Recientemente, Oficina Central di Estadistica (CBS) a publica e Indice di Prijs di Consumo pa luna di juli 2025. Den esaki, a nota cu compara cu luna di juli, 42.6 porciento di bienes y servicio den e canasta di consumo a registra un aumento di prijs.
E canasta di consumo di e CPI ta consisti di 408 bienes y servicio. Compara cu Juni 2025, 42.6% di e bienes y servicio aki a conoce un aumento di prijs, causando un efecto di 0.59 ppt, mientras cu 40.7% ta mustra un caida di prijs, cu a contribui cu un efecto di -0.83 ppt y pa e restante 16.7% no tabatin cambio den prijs.
Compara cu Juni 2025, prijs di bienes (-0.6%) a conoce un caida y a causa un efecto di -0.34 ppt, mientras cu prijsnan di servicionan (0.2%) a registra un subida y a contribui cu un efecto di 0.09 ppt riba e CPI di Juli 2025.
