E siman aki, Oficina Central di Estadistica a publica e Indice di Prijs di Consumo (CPI) pa luna di juli 2025. Den esaki a mustra cu den ultimo 12 luna, di juli 2024 pa juli 2025, 3 di 12 sector a registra reduccion di prijs, pero tambe a nota cu 46.6 porciento di producto den canasta di consumo a registra aumento di prijs.

Indice di Prijs di Consumo

Den e ultimo diesdos (12) luna, e CPI a baha cu 0.1%, unda tres (3) di e diesdos (12) sectornan a registra reduccion di prijs. E reduccion cu tabatin e mayor efecto riba e CPI a wordo registra pa e sectornan di “Transporte” (-2.8%), “Recreacion y cultura” (-2.6%) y “Paña y sapato” (-4.1%), causando un efecto di respectivamente, -0.37, -0.23 y -0.09 ppt.

E reduccion aki a wordo contraresta parcialmente door di aumento den e indice di e sectornan di “Comunicacion” (2.2%), “Mobilario” (1.4%) y “Restaurant y hotel” (2.5%), cu a contribui cu un efecto di respectivamente, 0.19, 0.12 y 0.12 ppt.

E aumento den e sectornan restante a contribui cu un efecto di 0.18 ppt riba e CPI di Juli 2024 te cu Juli 2025.
E reduccion den e sector di “Transporte” a wordo causa door di un reduccion den e categoria “Gasto relaciona cu uso di vehiculo di transporte personal” (-4.9%), causando un efecto di -0.41 ppt.
E reduccion den e sector di “Recreacion y cultura” a wordo causa principalmente door di un reduccion di 14.6% den e categoria “Vacacion”, causando un efecto di -0.34 ppt.
E reduccion den e sector di “Paña y sapato” a wordo causa principalmente door di un reduccion den e categoria “Paña” (-5.2%), causando un efecto di -0.09 ppt.
E aumento den e sector di “Comunicacion” a wordo causa door di principalmente un aumento di 59.4% den e categoria “Ekipo di telefon y fax”, causando un efecto di 0.19 ppt.
E aumento den e sector di “Mobilario” a wordo causa principalmente door di un aumento di 42.3% den e categoria “Herment y ekipo pa cas y hardin”, causando un efecto di 0.27 ppt.
E aumento den e sector di “Restaurant y hotel” a wordo causa oor di un aumento den e categoria “Cuminda pafo di cas” (2.6%), causando un efecto di 0.12 ppt.

Canasta di consumo

Den e ultimo aña cu a pasa, 46.6% di productonan den e canasta di consumo di e CPI a conoce un aumento di prijs, causando un efecto di 2.18 ppt, mientras cu 43.1% ta mustra un reduccion di prijs, cu a contribui cu un efecto di -2.25 ppt y pa e restante 10.3% no tabatin cambio den prijs.

E indice di “Bienes” (-0.3%) a registra un reduccion y causando un efecto di -0.17, mientras cu e indice di “Servicionan” a registra un aumento di 0.2% y a contribui cu efecto di 0.10 ppt riba e CPI.

Bestaansminimum

Den e ultimo diesdos (12) luna e bestaansminimum pa un hogar consistiendo di dos (2) adulto y dos (2) mucha (edad 0-15 aña) a registra un reduccion di Afl. 3, di Afl. 5,499 na Juli 2024 pa Afl. 5,496 na Juli 2025. E reduccion aki a wordo causa principalmente door di reduccion den e sectornan di “Paña y sapato” (Afl. -9) y “Transporte” (Afl. -9).

Cambio di prijs di petroleo, utilidad, gasolin y diesel

E prijs promedio pa bari di petroleo a conoce un reduccion di US$ 14.63 (-17.7%) di US$ 82.57 na Juli 2024 pa US$ 67.94 na Juli 2025.

E indice di Energia a baha cu 4.5% den e ultimo aña y a causa un efecto di -0.76 ppt.

E indicenan di “Gasolin” (-9.0%) y “Diesel” (-10.0%) a registra reduccion, causando un efecto di respectivamente, -0.43 y -0.03 ppt riba e CPI.

E indice di “Electricidad” a registra un reduccion di 4.0%, causando un efecto di -0.30 ppt, mientras cu e indice di “Awa” no a registra cambio.

E restante 404 bienes y servicio hunto, a conoce un aumento di 0.8% y tabatin hunto un efecto di 0.70 ppt.

Cambio di prijs di cuminda y servicio di catering

Den e ultimo diesdos (12) luna e indice di “Cuminda & servicio di catering” a subi cu 1.0%.

E indice di “Cuminda na cas” a conoce un aumento di 0.4%, unda shete (7) di e diesun (11) indice di e gruponan di “Cuminda na cas” a subi durante e periodo aki.

E indice di “Azeta y otro productonan traha di vet” a conoce un aumento di 5.2%, e aumento mas grandi entre e gruponan di “Cuminda na cas”. Ademas, otro aumento significante a wordo registra den e indicenan di “Bebida no-alcoholico” (3.3%), “Carni” (1.2%) y “Pan y otro productonan di grano” (0.8%).

E reduccion mas grandi durante e periodo aki a wordo registra den e indice di “Berdura” (-7.3%).

E indice di “Cuminda pafo di cas” a registra un aumento di 2.6% den e ultimo diesdos (12) luna.

Den e ultimo diesdos (12) luna, “Cuminda na cas” y “Cuminda pafo di cas” como grupo, tabatin un aumento di prijs di 1.0% y hunto tabatin un influencia di 0.17 ppt riba e CPI, mientras cu restante bienes y servicio hunto a experencia un reduccion di prijs di 0.3% y tabatin un efecto di -0.23 ppt riba e CPI.