E CPI pa luna di Juli 2021 ta 98.53, loke ta representa un aumento di 0.5% compara cu e indice di Juni 2021 (98.09) y acumulando un aumento di 1.5% te cu na Juli di e aña aki.

E cambio di e CPI pa e ultimo diesdos (12) lunanan (Juli 2020 te cu Juli 2021) ta 1.8%, un aumento di 5.0 punto di porcentahe (ppt) compara cu e periodo corespondiente di aña pasa (-3.2%).

E promedio anual di e tasa di inflacion pa e periodo di Juli 2020 te cu Juli 2021 ta -1.4%, un caida di 2.8 ppt compara cu e 1.4% registra den e periodo di Juli 2019 te cu Juli 2020.

Durante e luna aki, shete (7) di e diesdos (12) sectornan a registra aumento di prijs. E aumentonan cu tabata tin e mayor efecto riba e CPI a wordo registra pa e sectornan di “Vivienda” (1.3%) y “Cuminda y bebida no-alcoholico” (0.9%), causando un efecto di 0.34 y 0.09 ppt. E aumentonan den e restante sectornan a contribui cu un efecto di 0.25 ppt riba e CPI di Juli 2021.

E aumentonan aki a wordo contraresta parcialmente door di caida den e indice di e sectornan di “Mobilario” (-1.8%) y “Recreacion y cultura” (-0.7%) cu a contribui cu un efecto di respectivamente -0.16 y -0.07 ppt riba e CPI di Juli 2021. E aumento den e sector di “Vivienda” a wordo causa door di principalmente un aumento di 5.9% den e categoria “Mantencion y reparacion di vivienda”, causando un efecto di 0.32 ppt. E aumento den e sector di “Cuminda y bebida no-alcoholico” a wordo causa principalmente door di un aumento di 1.0% den e categoria “Cuminda”, causando un efecto di 0.09 ppt.

E caida den e sector di “Mobilario” a wordo causa principalmente door di un caida di 5.2% den e categoria “Aparato pa uso domestico”, causando un efecto di -0.13 ppt. E caida den e sector di “Recreacion y cultura” a wordo causa door di principalmente un caida di 2.3% den e categoria “Vacacion”, causando un efecto di -0.07 ppt.

Canasta di consumo

E canasta di consumo di e CPI ta consisti di 408 bienes y servicionan. Compara cu Juni 2021, 49.0% di e bienes y servicionan aki a conoce un aumento di prijs causando un efecto di 1.15 ppt, mientras cu 35.3% ta mustra un caida di prijs, cu a contribui cu un efecto di -0.70 ppt y pa e restante 15.7% no tabata tin cambio den prijs. Prijsnan di bienes a subi cu 0.8% y a causa un efecto di 0.44 ppt. Prijsnan di servicionan a conoce un aumento leve di 0.03% y a causa un efecto di 0.01 ppt riba CPI di Juli 2021.

Core inflation

E CPIC (core inflation) – CPI excluyendo e efecto di energia y cuminda – a registra na Juli 2021 un caida di 1.4%. E indice di energia – cu ta consisti di e productonan: electricidad, awa, gasolin y diesel a registra un caida di -0.9%. E indice di cuminda a registra un caida di 2.3%.

Bestaansminimum

E bestaansminimum pa un hogar consistiendo di dos (2) adulto y dos (2) mucha (edad 0-15 aña) na Juli 2021 ta Afl. 4,815, un aumento di Afl. 55 compara cu Juli 2020 (Afl. 4.760). E bestaansminimum pa un hogar di un (1) adulto ta Afl. 2,293, un aumento di Afl. 26 compara cu Juli 2020 (Afl. 2.267).

LEAVE A REPLY

Please enter your comment!
Please enter your name here