Recientemente, Oficina Central di Estadistica, CBS, a publica su Indice di Prijs di Consumo pa luna di maart ultimo. A resalta cu den e ultimo 12 luna a mira ocho sector registrando un aumento di prijs, cual a resulta den efectonan riba e prijs di consumi aki na Aruba.

Indice di Prijs di Consumo

Den e ultimo diesdos (12) lunanan, e CPI a subi cu 0.1%, unda ocho (8) di e diesdos (12) sectornan a registra subida di prijs. E subidanan cu tawata tin e mayor efecto riba e CPI a ser registra pa e sectornan di “Transporte” (1.6%), “Restaurant y hotel” (3.0%), “Comunicacion” (1.5%) “Vivienda” (0.5%) y “Restante bienes y servicio” (1.0%), causando un efecto di respectivamente, 0.20, 0.15, 0.13, 0,13 y 0,11 ppt. E subidanan den e sectornan restante a contribui cu un efecto di 0.18 ppt riba e CPI di Maart 2024 – Maart 2025.

E subidanan aki a ser contraresta parcialmente door di principalmente caidanan den e indicenan di e sectornan di “Recreacion y cultura” (-5.3%) y “Mobilario” (-1.9%), cu a contribui cu un efecto di respectivamente, -0.49 y -0.17 ppt. E caida den e sector restante a contribui cu un efecto di -0.13 ppt riba e CPI di Maart 2024 – Maart 2025.

Canasta di consumo

Den e ultimo aña cu a pasa 44.1% di productonan den e canasta di consumo di e CPI a conoce un aumento di prijs causando un efecto di 2.44 ppt, mientras cu 45.3% ta mustra un caida di prijs, cu a contribui cu un efecto di -2.32 ppt y pa e restante 10.5% no tawata tin cambio den prijs. E indicenan di “Bienes” (0.1%) y “Servicionan” (0.1%) a registra subidanan, causando un efecto di respectivamente, 0.09 y 0.03 ppt.

Bestaansminimum

Den e ultimo diesdos (12) lunanan e bestaansminimum pa un hogar consistiendo di dos (2) adulto y dos (2) mucha (edad 0-15 aña) a registra un subida di Afl. 13, di Afl. 5,494 na Maart 2024 pa Afl. 5,507 na Maart 2025. E subida aki a ser causa principalmente door di subidanan den e sector di “Cuminda y bebida no-alcoholico” (Afl. 15) y “Vivienda” (Afl. 9).

Cambio di prijs di petroleo, utilidad, gasolin y diesel

E prijs promedio pa bari di petroleo a conoce un caida di US$ 12.95 (-16.0%) di US$ 81.01 na Maart 2024 pa US$ 68.06 na Maart 2025.

E indice di Energia a baha cu 3.6% den e ultimo aña y a causa un efecto di -0.61 ppt. E indicenan di “Gasolin” (-5.7%) y “Diesel” (-8.6%) a registra caidanan, causando un efecto di respectivamente, -0.27 y -0.03 ppt riba e CPI. E indice di “Electricidad” a registra un caida di 4.0%, causando un efecto di -0.30 ppt, mientras cu e indice di “Awa” no a registra cambio. E restante 404 bienes y servicio hunto, a conoce un subida di 0.9% y tawata tin hunto un efecto di 0.73 ppt.

 

E subida den e sector di “Transporte” a ser causa door di un subida di 11.6% den e categoria “Compra di vehiculo”, causando un efecto di 0.46 ppt. E subida den e sector di “Restaurant y hotel” a ser causa door di un subida den e categoria “Cuminda pafo di cas” (3.1%), causando un efecto di 0.15. E subida den e sector di “Comunicacion” a ser causa door di un subida di 37.9% den e categoria “Ekipo di telefon y fax”, causando un efecto di 0.46. E subida den e sector di “Vivienda” a ser causa principalmente door di un subida den e categoria “Mantencion y reparacion di vivienda” (3.0%), causando un efecto di 0.17 ppt. E subida den e sector di “Restante bienes y servicio” a ser causa door di un subida di 12.3% den e categoria “Otro articulonan personal”, causando un efecto di 0.13 ppt.

E caida den e sector di “Recreacion y cultura” a ser causa principalmente door di un caida di 14.7% den e categoria “Vacacion”, causando un efecto di -0.39 ppt. E caida den e sector di “Mobilario” a ser causa principalmente door di un caida den

E categoria “Aparato pa uso domestico” (-7.9%), causando un efecto di -0.19 ppt.

Cambio di prijs di Cuminda y servicio di catering

Den e ultimo diesdos (12) lunanan e indice di “Cuminda & servicio di catering” a subi cu 1.4%. E indice di “Cuminda na cas” a conoce un subida di 0.6%, unda shete (7) di e diesun (11) indicenan di e gruponan di “Cuminda na cas” a subi durante e periodo aki.

E indice di “Batata, yuca y batata dushi” a conoce un subida di 4.2%, e subida mas grandi entre e gruponan di “Cuminda na cas”. Ademas, otro subidanan significante a ser registra den e indicenan di “Carni” (2.6%), “Bebida no-alcoholico” (2.0%), “Pan y otro productonan di grano” (1.4%) y “Restante productonan pa alimentacion” (0.9%). E caida mas grandi durante e periodo aki a ser registra den e indice di “Berdura” (-6.5%).

E indice di “Cuminda pafo di cas” a registra un subida di 3.1% den e ultimo diesdos (12) lunanan.

Den e ultimo diesdos (12) lunanan, “Cuminda na cas” y “Cuminda pafo di cas” como grupo, tawata tin un subida di prijs di 1.4% y hunto tawata tin un influencia di 0.22 ppt riba e CPI, mientras cu e restante bienes y servicio hunto a experencia un caida di prijs di 0.1% y tawata tin un efecto di -0.10 ppt riba e CPI.