Recientemente, Oficina Central di Estadistica (CBS) a publica e Indice di Prijs di Consumo (CPI) pa e periodo Juni 2024 – Juni 2025. Den esaki a nota cu nuebe di 12 sector a registra aumento di prijs.

Indice di Prijs di Consumo

Den e ultimo diesdos (12) luna, e CPI a aumenta cu 0.6%, unda nuebe (9) di e diesdos (12) sector a registra aumento di prijs. E aumento cu tabatin e mayor efecto riba e CPI a keda registra pa e sectornan di “Mobilario” (4.4%), “Restaurant y hotel” (3.8%), “Vivienda” (0.7%), “Comunicacion” (1.6%) y “Cuminda y bebida no-alcoholico” (0.8%) y causando un efecto di respectivamente, 0.37, 0.19, 0.17, 0.14 y 0.09 ppt. E aumentonan den e sectornan restante a contribui cu un efecto di 0.21 ppt riba e CPI di Juni 2024 – Juni 2025.

E aumentonan aki tabata contraresta parcialmente door di reduccion den e indice di e sectornan di “Transporte” (-3.2%) y “Recreacion y cultura” (-1.6%), cu a contribui cu un efecto di respectivamente, -0.43 y -0.14 ppt.

E aumento den e sector di “Mobilario” tabata causa door di principalmente un aumento di 14.6% den e categoria “Aparato pa uso domestico”, causando un efecto di 0.30 ppt.
E aumento den e sector di “Restaurant y hotel” tabata causa door di aumentonan di 2.5% y 55.7% den e categorianan “Cuminda pafo di cas” y “Servicio di alohamento”, causando un efecto di respectivamente 0.12 y 0.07 ppt.
E aumento den e sector di “Vivienda” tabata causa principalmente door di un aumento den e categoria “Mantencion y reparacion di vivienda” (3.7%), causando un efecto di 0.21 ppt.

E aumento den e sector di “Comunicacion” tabata causa door di principalmente un aumento den e categoria “Ekipo di telefon y fax” (35.2%), causando un efecto di 0.13.

E aumento den e sector di “Cuminda y bebida no-alcoholico” tabata causa door di principalmente un aumento di 4.3% den e categoria “Bebida no- alcoholico”, causando un efecto di 0.06 ppt.

E reduccion den e sector di “Transporte” tabata causa door di un reduccion den e categoria “Gasto relaciona cu uso di vehiculo di transporte personal” (-7.0%), causando un efecto di -0.59 ppt.

E reduccion den e sector di “Recreacion y cultura” tabata causa principalmente door di un reduccion di 10.9% den e categoria “Vacacion”, causando un efecto di -0.25 ppt.

Canasta di consumo

Den e ultimo aña cu a pasa, 47.3% di productonan den e canasta di consumo di e CPI a conoce un aumento di prijs causando un efecto di 2.78 ppt, mientras cu 42.4% ta mustra un reduccion di prijs, cu a contribui cu un efecto di -2.16 ppt y pa e restante 10.3% no tabatincambio den prijs. E indicenan di “Bienes” (0.5%) y

“Servicionan” (0.7%) a registra aumento, causando un efecto di respectivamente, 0.32 y 0.30 ppt riba e CPI.

Bestaansminimum

Den e ultimo diesdos (12) luna e bestaansminimum pa un hogar consistiendo di dos (2) adulto y dos (2) mucha (edad 0-15 aña) a registra un aumento di Afl. 36, di Afl. 5,473 na Juni 2024 pa Afl. 5,509 na Juni 2025. E aumento aki tabata causa principalmente door di aumentonan den e sector di “Cuminda y bebida no-

alcoholico” (Afl. 18) y “Paña y sapato” (Afl. 11).

Cambio di prijs di petroleo, utilidad, gasolin y diesel

E prijs promedio pa bari di petroleo a conoce un reduccion di US$11.29 (-14.1%) di US$ 79.89 na Juni 2024 pa US$ 68.60 na Juni 2025.

E indice di Energia a baha cu 5.5% den e ultimo aña y a causa un efecto di -0.94 ppt.

E indicenan di “Gasolin” (-12.0%) y “Diesel” (-14.7%) a registra reduccion, causando un efecto di respectivamente, -0.58 y -0.05 ppt riba e CPI.

E indice di “Electricidad” a registra un reduccion di 4.0%, causando un efecto di -0.31 ppt, mientras cu e indice di “Awa” no a registra cambio.

E restante 404 bienes y servicio hunto, a conoce un aumento di 1.9% y tabatin hunto un efecto di 1.55 ppt.

Cambio di prijs di Cuminda y servicio di catering

Den e ultimo diesdos (12) luna e indice di “Cuminda & servicio di catering” a subi cu 1.3%.

E indice di “Cuminda na cas” a conoce un aumento di 0.8%, unda ocho (8) di e diesun (11) indice di e gruponan di “Cuminda na cas” a subi durante e periodo aki.

E indice di “Batata, yuca y batata dushi” a conoce un aumento di 13.7%, e aumento mas grandi entre e gruponan di “Cuminda na cas”.

Ademas, otro aumentonan significante tabata registra den e indicenan di “Bebida no-alcoholico” (4.3%), “Azeta y otro productonan traha di vet” (3.8%) y “Restante productonan pa alimentacion” (1.8%).

E reduccion mas grandi durante e periodo aki tabata registra den e indice di “Berdura” (-7.3%). E indice di “Cuminda pafo di cas” a registra un aumento di 2.5% den e ultimo diesdos (12) luna.

Den e ultimo diesdos (12) luna, “Cuminda na cas” y “Cuminda pafo di cas” como grupo, tabatin un aumento di prijs di 1.3% y hunto tabatin un influencia di 0.21 ppt riba e CPI, mientras cu e restante bienes y servicio hunto a experencia un aumento di prijs di 0.5% y tabatin un efecto di 0.40 ppt riba e CPI.