Recientemente, Oficina Central di Estadistica (CBS) a publica datonan di e Indice di Prijs di Consumo (CPI) pa luna di mei 2025. Den esaki a nota cu e prijs di coriente y awa no a cambia compara cu un luna prome.
Prijs di utilidad (electricidad y awa), gasolin y diesel ta wordo determina primordialmente door di e prijs internacional di petroleo. Na Mei 2025 e prijs promedio pa bari di petroleo (US$ 62.08) a conoce un caida di US$ 2.14 (-3.3%) compara cu April 2025 (US$ 64.22).
Prijs di electricidad y di awa no a cambia compara cu April 2025. Consecuentemente, e prijs promedio di electricidad pa vivienda a keda Afl. 263.67, mientras cu e prijs promedio di awa pa vivienda a keda Afl. 168.73. Prijs di gasolin a registra un caida di Afl. 15.40 cen (-6.4%) na Mei 2025 y a causa un efecto di -0.29 ppt riba e CPI. Prijs di diesel a registra un caida di Afl. 18.20 cen (-8.8%) na Mei 2025 y a causa un efecto di -0.03 ppt riba e CPI.
Na Mei 2025, utilidad, gasolin y diesel como grupo, tabatin un caida den prijs di 1.9% compara cu April 2025 y hunto tabatin un influencia di -0.32 ppt riba e CPI, mientras cu e restante 404 bienes y servicio hunto, a conoce un caida leve di prijs di 0.01% y tabatin un efecto di -0.01 ppt riba e CPI.
