Centers for Disease Control and Prevention Mericano ta advertiendo dokter tocante un condicion inflamatorio serio y inusual den mucha vincula cu coronavirus.
Den su alerta, CDC a yama e condicion ‘syndroom di inflamacion multisistema den mucha’. E definicion di e agencia ta inclui infeccion actual of recien di COVID-19 of exposicion na e virus, un kentura di 100.4 pa al menos 24 ora, malesa severo rekeriendo hospitalisacion, indicacion di inflamacion den test di sanger, y evidencia di problema afectando sikiera dos organo cu por inclui curason, riñon, pulmon of otro sistema nervioso. E nomber y definicion ta similar na esunnan usa na Europa, unda e condicion a wordo reporta varios siman atras.
A reporta e condicion den al menos 110 mucha na New York y varios mucha den otro estado. Algun mucha a fayece. Algun di e muchanan tin sintoma similar na malesa di Kawasaki, un condicion inusual cu por causa hinchamento y problema di curason.
E casonan reporta tur ta involucra mucha, pero CDC a bisa cu no ta conoci si e condicion por afecta adulto.
Dokternan mester keda pendiente pa e condicion y reporta casonan sospechoso na departamento di salud local of estatal. Mester wordo sospecha den tur morto di mucha cu tin evidencia di infeccion di COVID-19, segun CDC.
Muchanan tin menos probabilidad di desaroya COVID-19 cu adulto, y nan malesa usualmente ta menos severo, maske si nan por transmiti e malesa sin presenta sintoma.
