Awe mundialmente ta celebra Dia di Bestia, un dia di accion pa derecho y bienestar di animal, celebra anualmente dia 4 di october, e dia festivo di San Francisco di Assisi, patrono di bestia. Pa celebra esaki, fundacion encarga cu rescate y bienestar di pushi, Nine Lives Aruba Foundation, a organisa un bunita y dibertido Adoption Day.
E Adoption Day ta bay ta yen di amor, speransa y amistad.
Tin hopi pushi lief ta wardando pa un famia pa semper – tal bes bo famia! Esaki ta un oportunidad perfecto pa conoce nan, y duna nan e hogar yen di amor cu nan merece.
Pa haci e dia mas dushi, e fundacion ta bay tin na benta nan Dushi Snackbox, un manera delicioso pa apoya e obranan importante di e fundacion.
Pa bishita e fundacion, celebra Dia di Bestia y pasa un rato alegre cu e pushinan, por bishita Nine Lives Foundation Aruba na Jaburibari 8B, di 4pm te 7pm.
Bin celebra cu nan, habri bo curason y duna e pushinan aki e futuro di nan soño!
