Fundacion pa bienestar y rescate di pushi, Nine Lives Aruba Foundation, ta invita pueblo pa uni e celebracion di Dia Mundial di Animal cu un evento special di Dia di Adopcion.
Ta bay tin diversion pa henter famia: juice y cuki pa e muchanan, prosecco pa e adultonan, snackbox delicioso disponible pa Afl. 13 (por pre-order y pasa busca). Tambe ta bay tin face painting y wega pa muchanan, ademas di premio cu cada adopcion!
Ademas di bishita e fundacion y conecta cu e pushinan cu tin pa adopcion, e evento aki ta bay ta pa celebra, pasa pret, bebe y come dushi, y talbes trece un miembro nobo pa bo famia. No keda afo!
Fecha: 4 di october 2025.
Ora: 4-7pm.
Lugar: Jaburibari 8b.
