(AP) — Multitudnan a yena puntonan cu bon bista riba un canal mayor y a subi awa nan mes ayera, pa mira un flotilla di centenares di barco historico nabega den Amsterdam na comienso di un festival di cinco dia celebrando e historia maritimo di e capital Hulandes.
Barco di tur parti di mundo, hopi cu nan mast y rigging decora cu bandera, a nabega for di e pueblo IJmuiden den Lama Nort riba un biahe oranan largo riba e Canal di Lama Nort y den caminda di awa IJ di Amsterdam pa SAIL 2025, e prome edicion den un decada.
Un nubia di huma oraño a subi den shelo y e bocina di e barconan a zona mientras e replica di clipper cu tres mast, Stad Amsterdam a pasa door di un lock pa marca e apertura oficial di e evento. Ta saluda cada barco cu dos tiro di cañon y e himno nacional di su pais mientras ta drenta e haf.
Hugo Peek tabata un di e miles di persona cu a nabega den botonan mas chikito hunto cu e botonan largo.
Hunto cu su welo y varios otro miembro di famia, el a biaha riba un barco mas chikito cu a compaña e barco largo Europa. “Casi no tabatin awa. Casi tur cos ta barco,” e studiante di 21 aña a bisa.
Mahek Singahl tabata wardando den stacion central di trein di Amsterdam, observando e haf cu su dos yiu chikito y varios maleta grandi. Su famia tabata bayendo back na Ivory Coast despues di un vakantie na Iceland y a stop na Amsterdam pa algun dia. Nan no tabatin idea pakico tabatin asina un multitud. “Mi casa a bay mira e barconan y a laga mi akinan,” el a bisa, hariendo. “E ta stima e cosnan aki.”
E evento, cu ta atrae cienmiles di bishitante, ta tuma lugar cada cinco aña. E edicion 2020 a keda cancela pa motibo di pandemia di Covid-19.
E parada ayera a culmina cu un show di luz di klapchi. E barconan ta bay keda na Amsterdam, hopi di nan habri pa bishitante, durante weekend.
E prome edicion di e evento a tuma lugar na 1975 pa celebra e di 700 aniversario di Amsterdam, y e edicion aki ta coincidi cu e di 750 cumpleaños di e ciudad.
