Epic Games CEO Tim Sweeney enters the Ronald V. Dellums building in Oakland, Calif., on Friday, May 21, 2021. Sweeney said Wednesday, Sept. 22, 2021 it's been told by Apple that the game will be “blacklisted from the Apple ecosystem" until the companies' legal case is resolved and all appeals are exhausted, which could take as long as five years. (AP Photo/Noah Berger)

(AP) – Tim Sweeney, CEO di fabricante di Fortnite, Epic Games Inc., a bisa diaranson cu Apple a bis’e cu e wega ta bay keda ‘riba lista preto den ecosistema Apple’ te cu e caso legal di e companianan ta resolvi y a exhausta tur apelacion, loke por dura hasta cinco aña.

Sweeney a post riba Twitter cu Epic a pidi Apple pa reinstala Fortnite y a priminti ‘cu ta bay adheri na reglanan di Apple na cualkier momento y unda cu nos lansa productonan riba plataformanan di Apple’.

“Apple a gasta un aña bisando mundo, corte, y prensa cu nan lo ‘duna bon bini na regreso di Epic na e App Store si nan bay di acuerdo pa hunga cu e mesun reglanan cu tur otro hende’. Epic a bay di acuerdo, y awo Apple a hala atras den otro abuso di su poder di monopolio riba un biyon di usuario”, Sweeney a tweet.

Apple a nenga di duna comentario.

Anteriormente e luna aki, e hues federal presidiendo riba e bataya legal di e compania a duna orden pa Apple desmantela un parti lucrativo di e baricada competitivo protegiendo su App Store pa iPhone, pero a rechasa acusacionnan cu e compania ta manehando un monopolio ilegal cu ta horca competencia y innovacion. Pero hues di districto Mericano, Yvonne Gonzalez Rogers no a tacha Apple como monopolista ni a rekeri pa permiti tiendanan competidor ofrece app pa iPhone, iPad y iPod.

Epic ta apelando e decision.

Epic a alega cu Apple ta bin abusando di fabricantenan di app door di cobra comision variando entre 15% pa 30% pa transaccionnan realisa den e app pasobra ta prohibi otro opcion riba su iPhone, iPad y iPod.

Na momento cu Epic a purba di evadi e comisionnan cu un sistema di pago alternativo den Fortnite na augustus di aña pasa, Apple a expuls’e for di e App Store pa set up un bataya legal cu por fors’e pa reduci su cobransanan. Pero Apple a insisti cu su tienda ta yuda cubri e mas di $100 biyon cu a inverti den software mobil.

 

LEAVE A REPLY

Please enter your comment!
Please enter your name here