FILE - In this Jan. 6, 2021, file photo, Texas Attorney General Ken Paxton speaks in Washington. Newly unredacted documents from a state-led antitrust lawsuit against Google accuse the search giant of colluding with rival Facebook to manipulate online advertising sales. The CEOs of both companies were aware of the deal and signed off on it, the complaint alleges. The original redacted lawsuit, filed in December 2021, accused Google of “anti-competitive conduct” and teaming up with the social networking giant. (AP Photo/Jacquelyn Martin, File)

(AP) – Documentonan recien des-redacta for di un demanda anticompetencia lidera pa estado contra Google ta acusa e gigante di buskeda di colabora secretamente cu su rival Facebook pa manipula benta di aviso online. E CEOnan di ambos compania tabata na altura di e acuerdo y a aproba esaki, segun e demanda.

E demanda original, redacta, entrega na december 2021, ta acusa Google di ‘conducta anticompetencia’ y di colabora cu e gigante di rednan social. Pero e version no redacta ta ofrece detayenan riba e participacion di CEO di Alphabet, Sundar Pichai, y CEO di Facebook, Mark Zuckerberg den aprobacion di e acuerdo. Facebook desde e tempo ey a cambia su nomber pa Meta.

Segun e demanda, COO di Facebook, Sheryl Sandberg tabata ‘explicito cu ‘esaki ta algo grandi strategicamente’’ den un cadena di e-mail na 2018 tocante e acuerdo, cu tabata inclui CEO di Facebook. Mienrtas e nomber di e ehecutivonan di Facebook ainda ta redacta den e demanda, nan titulo ta visible.

Na momento cu ambos banda a prepara e terminonan di e acuerdo, ‘e team a manda un e-mail adresa directamente na CEO’ Zuckerberg, e demanda ta declara. “Nos ta casi cla pa firma y mester bo aprobacion pa continua”, e e-mail ta bisa, segun e keho. Zuckerberg tabata kier reuni cu Sandberg y su otro ehecutivonan prome cu tuma un decision, segun e demanda.

Den un declaracion, vocero di Google, Peter Schottenfels a bisa cu e demanda ta ‘yen di inexactitud y ta falta merito legal’.

Segun e demanda, na septeember 2018 e dos compania a firma e acuerdo. Sandberg, kende tabata antes cabesante di negoshi di aviso di Google, y Pichai personalmente a aproba e acuerdo, segun e demanda di estado.

Vocero di Meta, Chris Sgro a bisa ayera cu e acuerdo di oferta di aviso di e compania cu Google y acuerdonan similar cu tin cu otro plataformanan ‘a yuda aumenta competencia pa pone aviso’. “E relacionnan comercial aki ta permiti Meta duna mas balor na esnan cu ta pone aviso, mientras ta compensa editornan hustamente, resultando den miho resultado pa tur”, Sgro a bisa.

Internamente, Google a usa e frase codigo ‘Jedi Blue’ pa referi na e acuerdo di 2018, segun e demanda. Google a tene e frase codigo aki secreto.

Schottenfels di Google a bisa cu e acusacion den e demanda cu Pichai a aproba e acuerdo cu Facebook ta ‘inexacto’. “Nos ta firma centenares di acuerdo cada aña cu no ta rekeri aprobacion di CEO, y esaki no tabata diferente”, el a bisa, agregando cu e acuerdo “nunca tabata un secreto.”

E demanda ta dirigi pa Procurador General di Texas, Ken Paxton, y despues uni pa Procuradornan General di Alaska, Arkansas, Florida, Idaho, Indiana, Kentucky, Louisiana, Mississippi, Missouri, Montana, Nevada, North Dakota, Puerto Rico, South Carolina, South Dakota y Utah.

Riba potret: Procurador General di Texas, Ken Paxton.

LEAVE A REPLY

Please enter your comment!
Please enter your name here