Ayeranochi Aruba a cera conoci cu su embahadora nobo di beyesa, esta Miss aruba 2016 cu a keda den nomber di Charlene Leslie kende lo representa Aruba na e certamen di Miss Universo. Tabatin tres cantidad unda cu Lynette do Nascimento a wordo elegi como Miss Aruba Worl y Chimay Ramos Miss aruba Grand International.
Facebook tabata e lugar ayeranochi unda cu fanaticonan a expresa nan goso y hopi otro tambe nan desacuerdo cu e resultado.Tur tres dama a duna un presentacion cu e expectativa pa bay cu e titulo maximo. Sin embargo Srta. Do Nascimento tabata conta cu un apoyo masal cu no a keda contento despues di e resultado. Hasta tin fanaticonan a bisa cu akinan Aruba a perde su chens pa gana Miss Universo. Reaccionnan asina a bira un (mal)custumber cu despues di competencianan/certamennan, enbes di duna pabien ta insulta otro.
