Vocero di Cuerpo Policial Liliana Rasmijn ta informa cu diabierna merdia tabata tin un persecucion na Playa cu a termina na altura di drive in. Ta asina cu ta trata di un Skyline color preto cu a comete hit & run na Citgo, na final di Caya Betico Croes,Oranjestad.
Na e momento ey segun polis, tabata tin patruya di maritiem cu a bay su tras anto inicia un persecucion. E chauffeur a casi dal un motorunit cu tabata e momento ey tambe riba caya, como tambe un otro vehiculo di patruya. Na fina, autoridadnan a logra para e chauffeur prome cu rotonde di drive inn. E chauffeur a keda deteni y transporta pa warda di st. Cruz.
Despues di e persecucion Bon Dia a haya varios videonan di e persecucion cu a wordo manda via broadcast di WhatsApp. Nos no por verifica e fuente di e video aki te ainda.
