Diadomingo madruga pa 3:30 central di polis a keda notifica di un brommer a accidenta den e bocht di Kudawecha y e chauffeur no ta reaccionando.
Central di polis ta despacha patruya na e sitio como tambe ambulance.
Na yegada di patruya, en berdad ta bin encontra cu un brommer riba caminda y e chauffeur.
Ambulance ta yega na e sitio y ta duna asistencia medico na e chauffeur, pero lamentablemente no por a haci nada mas p’e.
Na e sitio a presenta Specialista di Trafico y Polis Tecnico pa asina haci nan investigacion.
Dr. Forensico Voskuil a presenta y a constata morto di Giomar Adriano Heronimo, naci 14 juni 1975 di 50 aña di edad. E ta bira e di cinco morto den trafico pa aña 2025.
E curpa a wordo tuma den beslag pa mas investigacion.
Manera e investigacion keda cla lo duna mas informacion, polis a indica den un comunicado di prensa.
Departamento di Slachtofferhulp a presenta na e sitio pa asina guia e famia den e momento dificil aki.
Cuerpo Policial y Bon Dia Aruba ta manda palabra di condolencia na famia di e fayecido.
