Segun comunicado di Cuerpo Policial, awe mas o menos 11 or y 10 melding a drenta cu tin accident cu heridonan pazuid di Mi Dudu Bar Restaurant.
Ora e prome patruya a yega na e sitio a wordo constata cu tabatin 3 mucha pega den auto y e chofer di e pickup tambe a wordo herida. Cu materiaalwagen a logra saca e 3 muchanan for di e pickup. E heridonan a wordo transporta cu maximo urgencia pa hospital.
E muchanan ta di edadnan 9, 6 y 3. 2 di nan ta den situacion critico. E di 3 ta wordo getest ainda pa por constata su condicion. E chauffeur di e pickup a kibra su pia y tambe ta wordo getest ainda.
Departamento di trafico y departamento forensico di Cuerpo Policial ta haciendo e investigacionnan necesario.
