(NTN24) – Merca a compromete su mes pa duna seis miyon dollar den ayudo humanitario pa migrantenan, specialmente Venezolanonan na Chile, segun sub-secretario di Estado pa Siguridad Civil, Democracia y Derechonan Humano, Uzra Zeya ken a bishita Santiago diaranson ultimo a anuncia.

Zeya a splica cu e aporte aki di parti di Merca ta pa migrantenan di nacionalidad Venezolano pero tambe di otro nacionalidad cu ta vulnerabel desde cu e crisis di gobierno Venezolano a cuminsa.

For di final di aña 2020, migrantenan ta atravesa na pia e frontera cu Peru y Bolivia, cu mas di 4.000 metro di haltura y cu temperatura extremo pa asina yega na Chile na unda nan ta busca un miho bida.

E mayoria di nan ta yega for di Venezuela, na unda for di 2019 a bira e mayor comunidad stranhero na e pais cu casi mey miyon residente.

E asistencia aki ta destina pa “consulta legal, servicio medico, refugio sigur, paketenan di higiena y elementonan basico como clechi, paña y jacket” tambe pa “yuda e generoso comunidad Chileno cu a duna refugio na migrantenan, solicitante di asilo y migrantenan vulnerabel”, el a splica.

Sub-secretario Mericano a indica cu e fondonan lo wordo canalisa pa ACNUR y Organisacion Internacional pa Migracion (OIM).

Ambos institucion “ta haciendo un trabao vital na Chile den colaboracion cu Gobierno, organisacionnan no gubernamental y sin fin di lucro a traves di tur e pais” el a afirma.

Na 2021 so, Merca a entrega caba na Chile 9 miyon dollar di ayudo humanitario destina pa e mesun funcion.

LEAVE A REPLY

Please enter your comment!
Please enter your name here