Chile: Grupo terorista ta menasa cu atentado nobo

“Personahe ehecutivo grandi, politico, studiante y ciudadano simpel ta den nos mira. E explosion lo avisa. Nos ta leu caba, scondi, y preparando e proximo,” e teroristanan a adverti den un comunicado.

Den e escrito nan a sigura cu nan artefactonan chikito a causa un teror enorme y tabatin un  repercusion mediatico grandi.

“Cu esaki sirbi di experiencia pa esunnan cu tin gana di desaster: cu poco ta haci hopi,” nan a sigura.

E agrupacion denomina eco-terorista Individualista Tendiendo a lo Salvaje (ITS), a referi na e explosion registra diabierna pasa na un parada di bus, y nan a anuncia ‘nan plannan pa futuro’.

“Nos a tuma e responsabilidad absoluto pa bandona nos regalo explosivo na un parada di  Transantiago (sistema di bus) den centro di e capital,” nan a expresa.

Ademas, nan a señala cu nan menasa ta manera un bacteria cu ta opera na nivel internacional, cu complicenan na Mexico, Argentina, Brasil, Escocia, Spaña y Grecia.

Presidente di Chile, Sebastian Piñera, a condena e explosion cu a laga cinco persona herida, un di nan grave, y a anuncia un demanda contra esun cu resulta culpabel di e atentado cu a provoca desconcierto den e poblacion.

Di su parti, ministro di Interior y Siguridad, Andres Chadwick, a bisa na periodista cu ‘e tipo di accion aki ta inaceptabel’.

E ministro a anuncia cu el a acorda cu fiscal Guzman di ‘duplica e ekiponan’ di investigacion pa aclara e suceso mas pronto posibel.

Chadwick tambe a haci un yamada na trankilidad di e ciudadania, cu e eventualidad aki di menasanan nobo di otro artefacto explosivo na e capital Chileno.

El a sigura cu e cuerpo di Carabinero a desplega un vigilancia mayor na e region metropolitano di Santiago, di 7,2 miyon habitante.

You May Also Like

Un muhe Chileno a muri despues di varios cirugia na Colombia

Un muhe di Chile di 48 aña a muri na Cali – Colombia, despues ...

Di 50 ciudad mas violento, 42 ta na America Latino

E ‘conseho ciudadano di siguridad publica y husticia penal, un organisacion no gubernamental Mexicano ...

Mercosur a invita Venezuela pa garantisa ‘separacion di podernan’

E grupo di pais miembro di Mercosur a exhorta Venezuela pa garantisa e separacion ...

Renuncia di tres obispo envolvi den encubrimento di abuso sexual

(emol.com) –Ayera Conferencia Episcopal di Chile a duna di conoce cu Papa Francisco a ...

Gobierno Mexicano a pidi pa detene e ehecucion di un Mexicano condena na Texas

Gobierno Mexicano y experto di Alto Comisionado di Derecho Humano di Nacionnan Uni a ...

Despues di casi 100 ora atrapa, un lora a keda rescata di entre escombro na Mexico

Mientras dos teremoto mas a keda registra, atencion den e trabao di rescate a ...