Chile: Seis persona a muri pa caida di avioneta riba un cas

Seis persona, esta e piloto y cinco pasahero, a muri diamars pasa despues di e caida di un avioneta comercial riba un cas, cu a resulta kima completamente na e sur di Chile, e autoridadnan a confirma.

“Nos ta papiando di seis persona fayecido”, e intendente di e ciudad di Puerto Montt, Harry Jüguensen a bisa di e caida di e aparato, cu a sucede poco despues di su salida for di e aerodromo di La Paloma, cu destino pa e localidad di Ayacara.

Jüguensen a detaya cu e victimanan ta cuater homber, cu piloto inclui y dos muhe, tur mayor di edad y tripulante di e nave.

E gobernante a aclara cu ‘felizmente’ e cas riba e cual e nave a dal no tabatin ni un hende aden, y a señala cu e cas ‘a kima completamente, e avion a explota, tabatin carga completo di combustibel’.

“E curpanan tabata na bista di e hende y completamente kima. E situacion ta hopi tristo”, e intendente a bisa, ken tambe a agrega cu ‘ta hopi probabel’ cu e victimanan ta trahado cu tabata dirigi pa e zona di Ayacara, ya cu ta posibel cu e avioneta di e siniestro ta forma parti di e ‘linea comercial chikito cu normalmente ta funciona bayendo e provincianan extremo. Nos no sa si nan ta trahado, pero ta hopi probabel cu esey ta e caso”.

 

You May Also Like

Haiti no a recupera ainda, un aña despues di horcan Matthew

Preocupacion mayor ta bay actualmente na e destruccion cu a tuma lugar recientemente na ...

Odebrecht ta nenga di a paga FARC

E gigante di construccion Brasileño Odebrecht a nenga ayera cu nan lo a entrega ...

Despues di horcan Maria, Puerto Rico por perde mas poblacion ainda

E sensacion cu Puerto Rico lo keda bashi ta parti di conversacion di tur ...

BRASIL: Nuebe morto na Rio de Janeiro di keintura geel

(JornaldoBrasil) E cantidad di morto di keintura geel na estado Rio de Janeiro a ...

Maduro: “loke no logra cu voto, nos lo logra cu arma.”

VENEZUELA (InfoBae/ Informe21).-  Presidente Nicolas Maduro a bisa den un acto politico cu “tur ...

Haiti: Cinco ciudadano Mericano entre persona aresta

Departamento di Estado Mericano a informa cu nan tin entendi cu tin un cierto ...