Presidente di Chile, Sebastián Piñera ta dispuesto pa fortalece e forsa di siguridad. Prome, el a respalda un ley pa mantene Ehercito riba caya y despues a anuncia cu polis Chileno lo ricibi informacion di polis Britanico y Spaño, mientras cu Francia a nenga di participa.

Pa Piñera e ayudo aki ta supone un oportunidad pa ‘por enrikece strategia y procedemento operativo, cu cual lo mehora e mecanismo di control di orden publico y duna un miho proteccion pa nos compatriota’.

E instruccionnan Chileno ta parce dispuesto pa haci mas duro, si ta necesario, e actuacion di polis. Ademas, pa minister di Interior, Rodrigo Ubilla, e obhetivo di asociacion di polisnan di otro pais lo sirbi pa ‘evalua con, na situacionnan di conflicto y violencia fuerte, por mehora e trabou di control di orden publico”.

Aunke den e inicial anuncio tambe tabata contempla un ayudo posibel di Francia, diaranson 27 di november polis Frances a nenga di yuda Chile.

Di otro banda, Spaña y su actuacionnan na Cataluña y Pais Vasco na unda por ehempel, durante e referendum di autodeterminacion di Cataluña dia 1 di october di 2017 a registra 1.066 persona herida.

Mas leu di anuncionan di polis, despues di un jornada intenso di welga general convoca pa Mesa di Unidad Social, cu ta coordina 200 organisacion sindical, ciudadano, educacion secundario y universitario y di salud, durante e anochi di diamars pa diaranson ultimo, diahuebs 28 di november a produci un concentracion di apoyo pa hende cu a sufri lesion ocular, cu ta supera e cifra di 230 y cu a forma un coordinador.

A pesar cu Piñera a anuncia un Constitucion nobo, e presidente no ta muestra di laga bay e uzo di forsa, aunke su popularidad a cay te hasta 12% entre e Chilenonan.

LEAVE A REPLY

Please enter your comment!
Please enter your name here