E weekend cu a pasa un candela grandi den un mondi a causa morto di 27 bombero y 3 otro ciudadano. E ciudadanonan aki tabata yudando e bomberonan pa combati e candela.
E grupo lo a haya su mes confronta cu problema na momento cu diripente e direccion di biento a cambia. Esaki a causa un bala grandi di candela y despues di esey tur contacto a ser perdi entre e grupo di bombero y e centro di cordinacion.
E candela tabata na e provincia di Sichuan, den centro di China. Segun fuentenan Chines, alrededor di 700 personal di bombero a ser poni riba pia pa combati e candela cu desde diasabra a sali for di contol y a tuma basta tempo pa domine.
