Gruponan pa derecho di animal diasabra a celebra e liberacion di 37 puppy di zeehond ‘spotted seal’, cu a wordo rescata di traficadonan den selva nort di China, den un victoria chikito pa esfuersonan pa salba e especienan den peliger di extincion di e pais.
Humane Society International a bisa cu e puppies a wordo descubri tres luna pasa pa polis den un schuur den un cunucu costeño remoto den e ciudad di Dalian, hopi di nan muriendo di hamber. Ocho sospechoso a wordo aresta den e operacion.
E partner Chines di e sociedad, VShine, a manda un representante pa participa den e liberacion. El a bisa cu e puppies a wordo horta for di selva pa traficadornan pa bende nan pa industria di aquarium, y pa exhibi den aquarium, shop y restaurant. Otro 29 puppies no por a rescata y a fayece, ya cu nan tabata apenas 2 siman bieu ora nan a wordo haya, y ainda tabatin mester di lechi di nan mama. E luna aki, un grupo inicual di 24 puppy a wordo libera.
Den pasado mata pa nan uzo den medicina tradicional Chines, spotted seal awo ta un especie proteha na China, maske frecuentemente nan ta wordo horta for di nan mama pa abastece sitionan comercial.
“Nos ta encanta cu nos grupo socio Chines, VShine, por a manda observadornan di bienestar animal pa libera e puppies aki bek den naturalesa”, Peter Li di Humane Society International a bisa.
“Tristemente, e obsesion creciente di China pa tin especienan marino, manera zeehond y turtuga, den captividad, ta pusha pa crimennan manera esaki, cu ta causa sufrimento animal inmenso y perdida di bida”, el a bisa.
