(AP) — China a lansa un nave espacial cu ta priminti trece back muestranan di un asteroide cerca di Mars y duna “descubrimento pionero y amplia e conocemento di humanidad di cosmos,” e agencia espacial di e pais a bisa.
E sonda Tianwen-2 a lansa diahuebs trempan for di parti sur di China abordo di e raket Long March 3-B. E sonda lo recoge muestranan di e asteroide 2016HO3 y explora e cometa di faha principal 311P, cu ta situa mas leu for di Tera cu Mars, segun e Administracion Nacional di Espacio di China.
Shan Zhongde, hefe di CNSA, a ser cita bisando cu e mision Tianwen-2 ta representa un “paso significante den e biahe nobo di exploracion interplanetario di China” y durante su mision di un decada lo “produci descubrimento pionero y amplia e conocemento di humanidad di e cosmos.”
Muestranan di 2016HO3 mester ser debolbi den mas o menos dos aña. E asteroidenan, scogi pa nan orbita relativamente stabiel, ta spera di ofrece pistanan riba e formacion di Tera, manera e origen di awa.
China mas trempan a debolbe muestranan di piedra for di e parti mas leu di luna back na Tera den un mision historico y a yama bon bini na cooperacion internacional. Sinembargo, cualkier cooperacion cu Merca ta depende di kita un ley Mericano cu ta prohibi cooperacion bilateral directo cu NASA.
E banda cerca di luna ta ser mira for di Tera y e banda leu ta wak espacio. E parti mas leu tambe ta conoci pa tin sero y krater di impacto y ta mucho dificil pa yega.
China tambe ta opera e stacion espacial Tiangong, of “Palacio Celestial” cu tres persona, haciendo e pais un actor grandi den un era nobo di exploracion espacial y e uso di stacionnan permanente pa conduci experimentonan den espacio, specialmente ya cu e stacion tabata completamente construi pa Chines despues cu e pais a keda exclui for di e Stacion Espacial Internacional pa motibo di preocupacion nacional di Merca.
E programa espacial di China ta ser controla pa e Ehercito di Liberacion di Pueblo, e rama militar di e Partido Comunista na mando.
E programa espacial di e pais a crece rapidamente den e mas cu 20 añanan desde cu el a pone un homber den espacio pa prome biaha, solamente e di tres pais pa haci esaki bao di su mes velocidad. E agencia espacial a baha un explorador sin tripulacion riba Mars y un rover na e parti mas leu di luna. E tin como meta pa pone un persona riba luna prome cu 2030.
Un futuro mision Tianwen-4 Jupiter lo explora Jupiter, aunke detayenan no a ser publica.
