NEW YORK (AP) — Cientifico a descubri un dinosaurio nobo di Argentina cu huña poderoso, comiendo un weso di crocodil antiguo.
E descubrimento nobo tabata posiblemente 7 meter di largura y a origina di un grupo misterioso di dinosaurio yama megaraptoran. Nan tabata tur rond di loke awor ta Sur America, Australia y parti di Asia, dividiendo den diferente especie durante miyones di aña.
Megaraptorannan tabata conoci pa nan cranio largo y “huña inmenso y hopi poderoso,” a bisa Lucio Ibiri cu e Instituto Patagonio di Geologia y Paleontologia, kende tabata parti di e team di descubrimento.
Pero te ainda no claro con e criaturanan aki tabata casa y unda nan ta cay riba e linea di tempo evolucionario — principalmente pasobra e fossiel recupera te awor tabata incompleto.
Den un estudio nobo, investigador a bisa cu nan a descubri parti di un cranio y tambe weso di brasa, pia y rabo for di e formacion di piedra Lago Colhue Huapi na Patagonia. Nan a nota caracteristica unico den e wesonan cu a haci nan realisa cu esaki por ta un especie nobo.
E miembro mas recien di e clan megaraptorano yama Joaquinraptor Casali “ta yena un abismo importante pa provee un di e skeletnan mas completo te awor,” Federico Agnolin cu e Museo Argentino di Ciencia Natural Bernardino Rivadavia a bisa den un e-mail. Agnolin no tabata involucra cu e investigacion, cu a ser publica diamars den e revista Nature Communications.
E criatura probablemente a biba entre 66 y 70 miyon aña pasa — cerca di e tempo cu dinosaurio a extingi — y tabatin por lo menos 19 aña ora el a muri, aunke cientifico no sa kico a mata el.
E weso di pata delantero primi contra su cachete — perteneciendo na un pariente antiguo di crocodil — por duna algun idea pa su dieta y si e tabata e predador principal riba e sabana di inundacion humedo prehistorico.
Ibiricu a yama e dinosaurio nobo na memoria di su yu Joaquin. Mientras Joaquin tabata hopi jong y ainda no a desaroya un fascinacion cu dinosaurio, Ibiricu ainda ta pensa cu el lo a aprecia ser yama despues di un.
“Tur mucha ta stima dinosaurio pa esey el lo probablemente ta un fan tambe,” el a bisa.
