(AP) — Un bom suicida a ataca un van transportando ciudadano Hapones na e ciudad di Karachi na Pakistan ayera, polis a bisa. E ciudadanonan Hapones a logra sali ileso, pero oficialnan despues a bisa cu un persona cerca a fayece.
Inicialmente, polis a bisa cu e van tabata bayendo un area industrial unda e cinco ciudadano Hapones tabata traha ora el a bin bao atake, hefe di polis local, Arshad Awan a bisa. Polis escoltando e Hapones a debolbe tiro, matando un di dos atacador, e complice di esun cu e bom, el a bisa. “Tur Hapones cu tabata e obhetivo di e atake ta safe,” Awan a agrega.
Polis inicialmente a bisa cu e cinco Hapones tabata traha na Pakistan Suzuki Motors, pero despues a coregi e declaracion, bisando cu tabata otro fabrica.
Imagen riba canalnan local di noticia a mustra un van daña mientras agentenan di polis a yega e escena. E tres persona cu tabata cerca y a resulta herida den e atake a keda transporta pa hospital, unda un a muri despues. A bisa cu e otro dos ta den condicion stabiel.
Presidente Pakistani, Asif Ali Zardari y prome minister Shehbaz Sharif a denuncia e atake den declaracionnan separa, a elogia polis pa nan respuesta rapido, y a priminti di elimina terorismo. Nan tambe a ofrece oracion pa e casualidadnan.
Ministerio di Exterior a confirma cu e ciudadnonan Hapones tabata ileso y a bisa cu ta condena “fuertemente e acto horibel di terorismo aki. Ta bay tuma tur medida necesario pa trece e perpetradornan na Husticia.”
“Pakistan ta keda comprometi pa sigura e seguridad di ciudadanonan stranhero residiendo na e pais,” e ministerio a bisa.
E ministerio a bisa cu dos ciudadano Pakistani a muri den e atake ayera, cu a contradeci e declaracionnan di polis y oficialnan di hospital, kende a bisa cu un di e tres herido a fayece. E discrepancia no por a keda reconcilia inmediatamente.
A duna e van un escolta di polis despues di reportahenan di posible atakenan contra stranheronan trahando na Pakistan riba varios proyecto cu fondo Chines y otronan, segun Tariq Mastoi, oficial senior di polis. El a bisa cu un respuesta rapido di e guardianan y polis a stop e atake y a mata ambos agresor.
Ningun persona of grupo a asumi responsabilidad inmediatamente, pero e sospecha probablemente ta bay cay riba separatistanan di e Taliban Pakistani, kende a aumenta atake riba forsanan di seguridad den añanan recien. Insurgentenan tambe ataca Chines trahando na Pakistan riba proyectonan relaciona cu e China-Pakistan Economic Corridor, cu ta inclui un multitud di mega-proyecto manera construccion di caminda, planta di coriente y agricultura.
