Co-fundadonan di Google ta bandonando nan posicionnan ehecutivo, net ora reguladonan estatal y federal, sin menciona Departamento di Husticia y Congreso, ta tumando un interes riba un posibel abuso di nan practica di privacidad y poder riba mercado.

Pero nan sucesor pronostica, Sundar Pichai, ta bon prepara pa fungi como e cara publico di e compania ademas di su rol actual como chief ehecutivo.

Larry Page y Sergey Brin ta retirando como CEO y presidente, respectivamente, di e compania mama di Google, Alphabet. E movida ta culmina mas di dos decada den cual e par a lidera e tempo ey e startup cu nan funda den un garage na Sillicon Valley.

Pichai, kende ta CEO di google desde 2015, awo tambe lo ta lider di Alphabet. E compania no ta yenando e posicion di Brin como presidente.

Google ta enfrentando cada bes mas critica y investigacion di autoridadnan na Merca y Europa tocante su politicanan di privacidad y naturalesa di su negoshinan cu hopi rama. Esey awo lo cay pa Pichai maneha y sobrepasa – maske Brin y Page, ambos di 46 aña di edad, ya caba a retira di e luz publico.

Ambos a stop di haci apariencianan e aña aki na e sesion regular di pregunta y contesta cu empleadonan, y Page no tabata presente na e reunion di accionistanan e berano aki, maske ainda e tabatin rol di CEO.

Aña pasa, Google a cay den mal mira di congreso door di nenga di manda Page of Pichai na un audiencia riba manipulacion Ruso di servicionan di internet pa influencia eleccion Mericano. Oficialnan di congreso a laga un stoel bashi pa Page na e mesa di testigo; ehecutivonan top di Facebook y Twitter, mientras tanto, si a presenta pa testigua. Legisladonan ofendi a tacha Google di ‘arogante’.

December aña pasa, Pichai a testigua dilanti congreso pa prome biaha, defendiendo e compania contra acusacion di republicanonan cu e servicio di buskeda tin prehuicio contra conservadornan.

Alphabet ta posicionando Pichai como e lider de facto pa algun tempo caba. Tambe a hacie un bos ehecutivo na reunion di accionista y pa cu entrada.

Picha, un inmigrante di India di 47 aña di edad, a traha na e compania pa 15 aña, sirbiendo como lider den proyectonan pa construi e browser Chrome y supervisando Android.

Page y Brin, anunciando e noticia ayera, a bisa cu e compania a ‘evoluciona y madura’ den e dos decadanan desde su fundacion. Ambos a priminti di keda activo como miembro di board y accionistanan. “Awe, na 2019 si e compania tabata un persona, lo ta un adulto hoben di 21 aña di edad y lo ta ora pa bay riba su mes”, nan a skirbi riba un blog.

Brin y Page ainda tin mayoria di accion di voto di Alphabet. Segun un documento regulado na april, Page tin 26.1% di e voto di accionista di Google, mientras Brin tin 25.2% – ambos conoci como accion ‘super voting’

 

LEAVE A REPLY

Please enter your comment!
Please enter your name here