Un coach di dam Hulandes y organisado di e torneo ta enfrenta accion legal despues cu nan a hay’e ta filmando e invitadonan mientras cu nan tabata baña y hospedando na su cas, RTL Nieuws a bisa diaranson ultimo.
E camara a ser mira den douche pa un huesped di Belarus cu a asisti e torneo internacional di dam. E sospechoso Henk S di Culemborg, ta ofrece luganan pa keda na e hungadonan cu ta asisti na e competencianan.
E sospechoso a ser aresta na juni ultimo y desde e tempo ey, mas rapport a ser haci tocante e camara scondi na e solicitacion Hulandes di dam. E homber tambe ta sospechoso di procesa pornografia infantil. Henk S a nenga e cargonan y a bisa cu e camara a ser poni den e baño pa asina e por monitoria e efecto di reumatismo cu ta sufri di dje. Ainda no tin un fecha pa e huicio, RTL Nieuws a bisa.
Segun e periodico local De Gelderlander, e aresto a conmociona e mundo di dam. Henk S tabata den posicion di un certificado di bon conducta VOG cu ta rekeri pa tur persona cu ta traha cu hoben.
