Cobamento na Barcadera

ORANJESTAD – Manera a bira conoci algun dia pasa, e compania y contratistanan di cobamento di santo y kibramento di piedra a mustra preocupacion pa motibo cu hopi di nan no tabatin permiso pa haci e trabou ey na diferente luga, ya cu esey no ta cuadra cu proteccion di naturalesa y medio ambiente.

Bon Dia Aruba a acerca e zona di Barcadera, y a haya dos situacion, cual un di nan ta trata di cobamento di santo. Na e luga a haya un meneer cu tabata haci e trabou di controla ken ta sali y ken ta drenta na e luga. A puntra e meneer algun pregunta: di kico ta trata e cobamento aki? Nan tin permiso pa haci esey? Ken ta e persona responsabel di e trabou cu nan ta haci den e tereno aki, cu manera e lectornan por aprecia na e potret, ta causando hopi daño ambiental precisamente banda di lama?

E meneer, cu no a duna su nomber y tampoco a ofrece un informacion precies, a relata cu e responsabel di e trabounan ta un meneer di fam Portugues, pero e no sa su nomber y tampoco sa si nan tin un permiso pa traha eynan.

E otro situacion cu a mira na otro banda, ta un tereno cu a rosa caba, limpi pero tin un borchi cu ta bisa cu no mag di drenta. Den e luga tabatin hopi saco blanco, cu ta parce cu ta forma parti di e proximo labor cu lo bay haci na e luga ey.

Bon Dia Aruba a tuma contacto cu Directie Infrastructuur en Planning (DIP) pa haya informacion tocante e dos caso aki, y a presenta e preguntanan en cuestion, pero te e momento di publicacion di e nota aki, no tabatin contesta inmediato.

 

You May Also Like

5P3A8213.jpg

Problema den apartament a caba na menasa y agresion

Un famia tin basta dia ta wanta menasanan di un cabayero cu nan a ...

03._Ronald_Plasterk.jpg

No a aproba e Geschillenregeling cu islanan Caribense tabata kier

ORANJESTAD – E Conseho di Minister di Reino a aproba e geschillenregeling cu pa hopi ...

19Juli EdM pelea na Baby store (1).JPG

Pelea formal entre algun persona

Dialuna den careda di 1’or di marduga pafo di Cheng Kee restaurant na Piedra ...

Organisacion: ‘Adoption Day tabata exitoso’

Diadomingo atardi a tuma luga e anticipando Adoption Day na Animal Health Veterinary Hospital. ...

Rotaract Club y Stichting Bloedbank ta lansa proyecto

Rotaract Club of Aruba conhuntamente cu Stichting Bloedbank Aruba a lansa un proyecto nobo, ...

Incertidumbre pa futuro di rotonde

Manera ta conoci, siman pasa a DOW a dicidi di habri e crusada di ...