E team campeon, Coca-Cola Nacional, ta bon prepara pa e campeonato division honor 2017/2018, cu ta cuminsa diabierna awo. Cu nos titulo di campeon, nos ta mas prepara cu nunca pa sigui cu e racha di gana so, asina nan ta bisa. Ta pa es motibo nos kier invita henter Aruba pa bin aprecia nos prome wega pa e temporada aki, diasabra awo dia 14 di october.
Esaki ta tuma luga na Centro Deportivo Guillermo P. Trinidad na Dakota pa 8or di anochi. For di 7.30 ya por cumpra ticket pa drenta y presencia e tremendo partido aki. Entrada ta 7 florin y pa mucha te cu 12 aña solamente ta 1 florin.
“Bin pa boso mes wak pakico nos ta. Asina tambe bin apoya y engrandece e deporte
di mas gusta na mundo, esta futbol. Coca-Cola Nacional ta invita fanaticonan di futbol
y henter pueblo di Aruba pa e wega interesante aki.”
Un informacion special pa e fanaticonan di Coca-Cola Nacional: “E biaha aki nos tin e tribuna parti pa nort.”
