Durante weekend a ricibi e tristo noticia cu Andino Tromp, kende pa hopi aña a traha como nos colega na Bon Dia Aruba, a bay sosega. Bon Dia Aruba ta extende palabra di condolencia na famia y sernan keri di Dino.
Informacion cu Bon Dia Aruba a ricibi ta indica cu Dino a sufri di un ataca di curason, y a fayece na Hulanda.
Dino ta wordo recorda como un bon colega den prensa, un gran fotografo y un persona amigabel cu un bon actitud.
Cu Dino sosega na paz, y nos ta desea hopi forsa na su famia y sernan keri.
