(EFE) – Diadomingo ultimo, autoridadnan Colombiano den un ceremonia cerca di Bogota a realisa e entrega di e restonan na famia di Carmenza Castañeda, un muhe cu FARC a desaparece 22 aña pasa hunto cu su casa, Gerardo Angulo.
“Nos no ta bay stop te ora nos haya nos tata tambe, Gerardo Angulo y te ora nos haya sa e berdad tambe di e cautiverio di e “welonan”. Como victimanan di e conflicto nos ta exigi garantianan di berdad, husticia, reparacion y hopi importante ta pa esaki no ripiti mas. No mas victima di desaparicion”, e famia a expresa.
E entrega a tuma luga pa e trabao di Unidad di Buskeda di Personanan cu tabata Desaparecido (UBPD), guia huridico y tecnico na famianan.
Den e buskeda tambe a participa e Corporacion Reencuentros, di cual ex-combatientenan di FARC ta forma parti despues di e firma di acuerdo di paz na november di 2016. Nan ta traha pa haya personanan cu a disparce.
Den e ceremonia di entrega, cu tabata priva, e famia a dorna e misa cu guitara, flor y potretnan di e muhe, cu riba algun di nan ta aparece su casa.
E historia ta relata cu FARC a secuestra e pareha den nan auto, den cual nan tabata bay tur dia for di e localidad di La Calera te Bogota pa haci nan asuntonan.
E mesun aña ey nan lo tabata celebra nan bodanan di oro, cincuenta aña di matrimonio cu cinco yiu: William, Patricia, Hector, Magnolia y Helmut.
Nan dos a ser hiba pa e guerrilleronan na Sumapaz, un region controla na e momento ey pa Henry Castellanos, alias Romaña, cu a ser asesina na Venezuela aña pasa despues di bandona e proceso di paz.
FARC a pidi un rescate na famia Angulo di 800 miyon peso (206.000 dollar aproximadamente); despues di varios yamada, e guerrilla a baha e cifra na 350 miyon peso (cerca di 87.000 dollar actual).
Pero di nada a bal e pedidonan di e famia pa respeta e bida di e pareha, cu nan a asesina lunanan despues.
Durante mas di 20 aña, CCJ a yuda e famia aki pa busca Gerardo y Carmenza, un labor den cual a ricibi apoyo di Equitas na 2007.
