(El Tiempo) – Fuentenan di Ehercito Nacional a confirma na e corant El Tiempo cu den oranan di marduga di ayera diamars un grupo di militarnan a sufri un atake, nan ta pertenece na e Brigada di Ehercito Decimo Septima.

Den e hecho tres militar a perde nan bida y tres mas a keda herido. Di acuerdo cu e fuente, un truck militar cu tabata entre e localidad di Turbo y San Pedro di Uraba, Antioquia a ser activa den un campo cu mina ora e tabata core.

Di acuerdo cu e fuente, no ta descarta cu e atake ta den man di integrantenan di Clan del Golfo, ya cu esey ta e zona cu nan ta opera y cu esaki por ta e prome reaccion pa via di e captura di su hefe maximo, Dairo Antonio Usuga, alias Otoniel.

E grupo di funcionario tabata den un truck, ora a ser activa e carga. Na e luga a fayece tres soldaat profesional cu nan identidad no por keda conoci tanten no ta cumpli cu e proceso di notificacion pa nan famia.

E tres militar herido a ser hiba den helicopter na unda enfermeronan di combate a duna prome auxilio, pero di acuerdo e fuente, su estado di salud ta delicado.

Di mesun forma, a confirma cu diamars anochi tambe a ser asesina un otro militar cerca di Ituango, Antioquia, y otro mas a resulta herido. Den hecho aki no ta conoci datonan mayor y ta den proceso di verificacion di dato y si esaki tambe a ser cometi pa Clan del Golfo of disidencia cu ta opera den e zona.

 

 

LEAVE A REPLY

Please enter your comment!
Please enter your name here