Colombia: autoridadnan hudicial ta inicia investigacion den caso di naufragio Guatapé

COLOMBIA (ElTiempo).- Procuraduria General di Nacion a inicia un investigacion preliminar den e caso di hundimento di e embarcacion El Almirante, cu tabata transporta turista riba e embalse di Guatapé, y cu a resulta te awor na e conteo mas reciente di siete persona morto, ademas di dies persona ainda desapareci. Otro 139 ocupante a keda rescata.

Ministerio Publico lo solicita di e autoridadnan departamental y municipal un reporte di e controlnan haci riba e servicionan di nabegacion riba e lago artificial, uso di life vest y e limite di velocidad. Tambe lo pidi informe di e control y inspeccionnan di Ministerio di Transporte y di Superintendencia di Puerto y Transporte.

Procuraduria a solidarisa cu e victimanan di e tragedia cu e naufragio aki a causa, y ta haci un yamado na autoridadnan en general pa vigila e transporte riba awa, y na e ciudadanonan pa nan exigi e operadornan e suministro di life vest den bon estado y respeto pa e limite di ocupacion di e embarcacionnan.

Despues di un intenso tormenta diadomingo anochi pasa, pa cual mester a para e actividadnan di rescate, autoridadnan di e municipio y e Unidad Nacional pa Gestion di Riesgo di Desastre na Colombia, a confirma cu a reanuda e buskeda di e 15 personanan cu na e momento ey tabata desapareci ainda.
Segun gobernador di e departamento, Luis Pérez Gutiérrez, cu a pidi un investigacion riba e iregularidadnan den e hechonan, e trabaonan investigativo a cuminsa desde 5:00 a.m.
Cu cinco ekipo conforma di seis buzo cada un a cuminsa busca e curpanan cu tabata falta ainda.
Pa facilita e atencion di e emergencia, e municipio di Guatapé a declara calamidad publico.

Asina tambe a prohibi durante ayera dialuna, e nabegacion riba e embalse. E medida ey lo por continua pa awe tambe si e buzonan no logra termina nan trabao di recupera tur curpa di persona desapareci. Segun fuentenan a informa, un di e victimanan mortal, Valentina Jaramillo, tabata yiu di e doño di e barco El Almirante.

Carlos Iván Márquez, director di e Unidad Nacional pa Gestion di Riesgo den Desastre (Ungrd), a declara diadomingo cu “tin 133 persona cu a sali bibo y cu ya a sali di e embalse, seis fayecido y 15 desaparecido.”

Inicialmente, e mesun entidad a informa cu tabatin 16 desaparecido. No obstante, desde gobernacion di Antioquia a insisti cu e cantidad di desaparecido no por ta exacto, debi na e circunstancianan di e tragedia.  Esaki a resulta den curso di dialuna den un cifra di siete morto y 10 hende desapareci ainda, cu tabata e ultimo informe oficial.

Segun informacion brinda pa Márquez, “ayera a avansa te 30% di e inspeccion. Awe, e reto ta e 70% adicional, cu un incremento di e ekiponan di buzo, cu dos mas. Ta bay haci un inspeccion den cada un di e pisonan di e embarcacion, cu a keda pendiente ainda pa inspecciona y rescata loke tin ainda. Ya a monta un plataforma di seguridad, tin cuatro boto di sguimento externo y ya ta mantene un protocol pa evacuacion di e curpanan cu nos por haya awe.” que puedan encontrarse hoy”.

Desde diadomingo anochi, presidente Juan Manuel Santos a biaha pa e zona pa ta al tanto di e operacion di rescate. E tabata acompaña pa, entre otro miembro di e gabinete, pa Alejandro Maya, vice-ministro di Transporte, cu a expresa cu “nos kier acompaña e famianan pa e situacion compleho aki unda desafortunadamente ya tin confirma seis persona morto.”

You May Also Like

Embahador Ruso a nenga cu ta bay instala base militar

Embahador di Rusia na Venezuela, Vladimir Zaemskiy, a nenga cu su pais lo ta ...

Refineria Isla mester paga multa di 75 miyon florin

“ Refineria isla ta contribui mas di mcg/m3(micrograms per cubic meter) of SO2(sulfur dioxide) ...

Merca ta pone 5 estado Mexicano na nivel di Irak y Siria pa loke ta violencia

(Infobae) – Departamento di Estado (ministerio di Asunto Exterior) di Merca a conseha e ...

Jamaica: Turismo den bon direccion e aña aki

Ministro encarga cu turismo, Edmund Bartlett, ta bisa cu e crecemento dinamico di turismo ...

Colombia: A ser emiti orden di captura contra hefenan di ELN

Fiscalia Colombiano a indica cu un hues a otorga orden di captura pa integrantenan ...

Colombia: A descubri un red cu tabata trafica arma di Merca pa ELN

E confiscacion di un armamento den un bario di Barranquilla, y e captura di ...