Colombia: Cannabis medicinal y legal, negoshi nobo den areanan di guera di narcotrafico 

(Infobae/ElUniverso) – E municipio di Corinto, den region di Cauca, tabata durante decadanan e centro di operacionnan di FARC, den su cayanan tabata intercambia tiro cu para militarnan y forsanan militar, y tambe a inunda e area cu cultivonan di coca y marihuana.

Pero un aña pasa, cu e desaroyo di un regulacion, un negoshi nobo a nace pa reemplasa e ilegalidad: e cannabis medicinal. Cu mas di 100 licencia otorga pa ministerio di Husticia na empresanan di e industria aki na e pais, ta pronostica cu ta aporta te 0.5% di e PIB nacional.

7.563 victima a reporta na Corinto, di cual 1600 asesina o desapareci segun cifranan di e registro unico di victima (RUV). E guera a ser hiba, entre otro, pa e control di e cultivonan ilicito cu tabata na e region un fuente di financiamento pa diferente organisacion arma cu a ser estableci den su terenonan a lo largo di historia.

Pa su posicion geografico, Corinto ta strategico pa e trafico di droga y tera fertil pa cultivacion di marihuana. Pa añanan 70, e asina yama bonanza marimbero a inicia na costa di Caribe y a extende den tur su areanan, cu a ricibi e sosten di e producto ilicito aki durante decada.  Awendia, ta reporta ainda 7000 tereno di sembra, y e guera entre narcotraficantenan ta sigui pa haya control di e terenonan aki.

Pero na e region, iniciativanan comunitario cu aportacion di sector priva ta duna un posibilidad di paz pa sali di e ilegalidad  via e cultivo renoba y legal di e mata di cannabis, pa probecha di su beneficionan medicinal. Asociacion y empresanan ta instala na e terenonan pa ofrece un alternativa economico cu ta priminti di ta e proximo linea di desaroyo na henter e teritorio nacional.

Na 2016, gobierno nacional a crea un regulacion sigui pa e convencion  internacional di control di droga, cu ta permiti un acceso sigur pa e uzo medicinal y cientifico di cannabis, mediante e control di actividadnan di cultivo, produccion, fabricacion, exportacion, y comercialisacion di su productonan. Tur esey a traves de e decreto di ley 1787, cu a ser firma pa presidente Juan Manuel Santos.

Actualmente, mas di 1.046 persona cu ta registra na Ministerio di Husticia como cultivador mediano y chikito, productor y comercialisador di cannabis medicinal. Via Zomac (Zona mas Afecta pa e Conflicto Armado), nan a duna mas di 33 licencia pa empresanan dedica na e negoshi aki, desde 2017 pa januari di 2018.

You May Also Like

Chile: Prome pais na Sur America cu ta prohibi e uzo di saco di plastic

(LaPatilla/PictureAlliance) – E president Sebastian Piñera a decreta diabierna ultimo un ley cu ta ...

Dos partido politico di oposicion Venezolano a rechasa participacion den eleccion municipal

Partido di oposicion Bandera Roja (BR) y Movimiento Progresista di Venezuela (MPV) a drenta lista di ...

Papiamento ta wordo neglisha na nivel di reino?

Manera nos partner den noticia Caribisch Netwerk ta bin ta reporta, e situacion di ...

Debate tocante bira di 51 estado Mericano birando fuerte

Ora cu gobernador Ricardo Rosselló Nevares a nombra siman pasa cuatro di e shete ...

PDVSA a logra manda paga bono di 2020 ayera pa evita default

E empresa petrolero estatal Venezolano PDVSA a inicia diabierna e pago di 841,88 miyon ...

Panama ta confisca cargamento de droga balora na 90 miyon dollar 

Autoridadnan di Panama diasabra pasa a captura un cargamento di droga, cu un balor ...