(Infobae) – Marihuana cu ta sali for di Cauca ta usa Rio Putumayo como gang pa Brazil, y segun Ehercito, e grupo arma residual yama Comandos de Frontera ta probecha di envionan ilegal pa fortalece nan finanzas y control teritorial.

Marihuana produci na Cauca no solamente ta suministra consumo domestico Colombiano. Un porcion grandi di e droga aki ta destina pa Brazil, usando e departamento di Putumayo como un gang strategico.

Riba e ruta aki, e grupo arma cu a sobra e Comandos de Frontera a implementa un sistema ilegal di cobra peahe di traficantenan di droga, un practica cu ta genera miyones na entrada y ta fortalece nan capacidadnan militar y logistico.

Esaki a ser revela door di general Yor William Cotua, comandante di Brigada di Selva bintishete di e di cuatro division di ehercito, kende a adverti riba e sofisticacion di economianan ilicito cu ta opera den e region.

“Nan ta cobra un tipo di peahe pa permiti nan transito pa Brazil,” e oficial a bisa El Tiempo , señalando cu trafico di droga no ta limita mas na produccion y distribucion local , pero ta parti di un red transnacional cu ta encera aliansa cu cartelnan Brasileño manera Comando Vermelho y e uso di rutanan di riu cu ta crusa areanan dificil pa alcansa.

Un via strategico pa Brazil

Putumayo, debi na su localidad na frontera y e presencia di e riu di e mesun nomber, a bira un punto clave pa transporte di droga pa Brazil.

Aunke e departamento no ta un productor di marihuana, autoridadnan a confisca 5.600 kilo di e substancia te awor na 2025.

“Ta trata di envionan cu ta origina na Cauca y cu ta uza e Putumayo como un gang pa Brazil, unda e balor di marihuana ta aumenta dramaticamente,” Cotua a splica.

Un caso recien a resalta e escala di e operacionnan aki: e confiscacion di 650 kilo di marihuana, cu, si el a yega e mercado Brazileño, lo a ser balora na casi dos biyon peso.

Di acuerdo cu e medio di comunicacion menciona anteriormente, unabes den e pais Brazil, organisacionnan manera e Mando Cora tin e capacidad pa distribui e droganan na otro mercadonan internacional, aumentando ganashi mas ainda y complicando e rastreo di rutanan ilicito.

E cobramento di peahe door di e “Comandos de Frontera” ta funciona como un mecanismo di control teritorial.

E grupo arma aki, heredero di structuranan disidente di FARC, no solamente ta regula e pasamento di carga pero tambe ta impone regulacionnan di trafico, ta restringi entrada di actornan externo, y ta uza tacticanan di guera manera ponemento di minanan antipersonal pa proteha su areanan di influencia.

Stabilidad relativo, presion permanente

Brigada 27 ta responsabel pa e diestres municipio di Putumayo y Piamonte na Cauca, un area caminda economianan ilegal, disputanan entre organisacionnan criminal y comunidadnan sumamente vulnerabel ta toca otro.

“Nos ta mantene stabilidad relativo, pero tin precion constante di organisacionnan manera Comandos de Frontera, e structura di Raúl Reyes, y e organisacion di Carolina Ramírez,” Cotua a adverti.

E strategia no ta limita na confisca envionnan di droga, pero tambe tin como meta pa ataca nan fuentenan di financiamento. “Cada kilo di marihuana cu no crusa frontera ta un recurso menos pa financia e guera di e organisacionnan aki,” e funcionario a insisti.