Fiscalia di Colombia lo asumi e investigacion encuanto manipulacion di testigo contra ex-presidente alvaro Uribe, deteni preventivamente den e caso, asina Corte Supremo di Husticia a anuncia.

E alto tribunal tabata hibando e proceso contra e ex-mandatario (2002-2010) y hefe di e partido den poder, pero a dicidi transferi e expediente pa Fiscalia despues di e renuncia di Uribe di su puesto di senadorcu e tabata ocupa desde 2014.

Atendiendo e renuncia y “pasobra ta trata un investigacion sin relacion cu su cargo di congresista,” e alto tribunal “lo laga na disposicion di fiscal general e ex-senador deteni,” segun e corte a indica den un comunicado.

Na Colombia e ex-presidentenan por ser investiga pa parlamento, pero Uribe, di 68 aña, tabata enfrenta husticia den su condicion di legislador, segun AFP.

Renunciando su asiento, su proceso lo pasa pa man di fiscalia cu mester determina si ta yama uribe pa huicio pa presuntamente soborna testigo y comete fraude procesal den e caso cu ta involucra e opositor y senador di izquierda Ivan Cepeda.

Na inicio di augustus Corte Supremo a ordena su aresto domiciliario, considerando cu e senador, e tempo ey, por a torpedea husticia mientras tabata evalua un eventual yamado pa aparece den corte.

Hopi popular pa su gobierno di man duro contra e guerrillanan, Uribe a alega falta di garantia y imparcialidad di parti di e tribunal, y a dicidi anto pa renuncia na Senado dia 18 di augustus.

E caso di e ex-mandatario ta inicia na 2012. E aña ey, den un debate den Congreso, Cepeda a vincula Uribe cu e gruponan paramilitar di ultraderecha cu tabata comete delitonan atroz den nan lucha contra guerrillanan izquierdista.

LEAVE A REPLY

Please enter your comment!
Please enter your name here