Segun e manifestantenan, e encuentro tabata escenario den cual Gobierno a plantia su proyecto di decreto cu a ser haci publico 27 di december ultimo pa exploracion y explotacion petrolero pa medio di fracturacion hidraulico, miho conoci como ‘fracking’.

Mesa di dialogo ta haci parti di ‘gran combersacion nacional’ cu Ehecutivo a convoca pa via di e manifestacionnan masivo cu e pais tabatin na fin di aña ultimo contra politica economico y social di e presidente Ivan Duque.

E vocero di Alianza Colombia Libre de Fracking, Carlos Santiago a bisa cu e Gobierno tin un ‘forma antidemocratico’ di papia, pa motibo cu despues di mantene dos mesa di dialogo cu nan ‘a presenta un decreto cu no ta recoge e condicionnan cu nan tabata propone’.

Santiago a splica cu diahuebs ultimo tabata e dia ultimo cu Gobierno por ricibi comentarionan di ciudadanonan riba e decreto, cu ‘lo publica, si tur cos sigui manera plan, dia 20 di januari’.

Tambe a adverti cu e decreto no ta recoge ‘e participacion di universidad den e comite di evaluacion di e proyectonan piloto’, sino cu ‘esun cu lo tuma e decision di viabilidad di fracking lo ta tres minister y tres persona scogi pa e presidente’.

Conseho di Estado di Colombia, maximo tribunal administrativo, a mantene na september ultimo e suspension provisional di e tecnica di explotacion di recursonan aki.

Di otro banda, director di Departamento Administrativo di Presidencia di Republica (DAPRE), Diego Molano a sigura cu ‘fracking ta prohibi pa Conseho di Estado’ y a expresa cu e espacio di ‘combersacion nacional’ celebra ayera a busca cu ‘e ciudadanonan lo conoce cua ta e politica di transicion energetico’ di Gobierno.

Tambe a contesta e critica di e manifestantenan y a invita nan pa participa den dialogo riba e decreto” ‘e documento ta publico y ta pa comenta, a ser publica pa ricibi comentarionan’ y a recorda cu te ainda no a ser aproba.

LEAVE A REPLY

Please enter your comment!
Please enter your name here