Feria de las Flores version 1,0 lo por ta e titulo di aña 2020 pa e fiesta mas tradicional di e hende paisa.

E pandemia a pone henter mundo cerca di un collapse economico y social, loke a hiba e alcalde di Medellin, Daniel Quintero pa utilisa e hermentnan virtual, pa no laga su ciudadanonan sin e celebracion aki, cu tin como espectaculo principal e Desfile de Silleteros.

“Mi ekipo a puntra caba si e Feria de las Flores a wordo cancela, mi a bisa no di ningun manera. Por ta cu no lo bay ta igual, pero nos no lo detene”, Quintero a skirbi riba su cuenta di Twitter dos siman pasa. E anuncio a causa polemica memey di e emergencia mundial pa COVID-19.

“Alcalde, na e momentonan aki ken por tin interes pa e Feria de las Flores? Nos tin cu atende e emergencia pa loke nos ta pasando, e otro aña ya lo por pensa riba esey atrobe”, un ciudadano a skirbi na su cuenta e dia di e anuncio.

Otronan a defende e decision, entre otro rason, pa e miles di persona cu ta depende economicamente di e fiesta aki. Cu e dianan, e controversia a bin disparciendo, specialmente pa motibo cu Alcaldia a bisa claramente cu lo bay ta un feria sin publico.

Por ehemplo, e recorido di e 420 campesino di Santa Elena -un pueblo di 2000 habitante, cu ta na region Norte di e capital antioqueño- cu su silleta riba nan lomba y cu cada luna di augustus ta transforma e asfalt den un tapijt multicolor di flornan, no lo tin espectador riba e cayanan, pa prome biaha den su 62 aña di historia.

Lina Gaviria, secretaria di Educacion, a conta cu nan ta trahando pa por hiba pa e comunidad paisa un Feria de las Flores “no presencial”. “Nos lo propone un feria cu a traves di TeleMedellin, di canal di tv local y di ‘streaming’, nos lo yega cu diferente espectaculo”, el a bisa.

LEAVE A REPLY

Please enter your comment!
Please enter your name here