Den un video graba pa testigonan na e luga, por mira dos agente uniforma di polis cu ta aplica descarga di coriente cu un arma ‘taser’ riba un homber na localidad di Engativa na Bogota.

E fayecido, ken a wordo identifica como Javier Ordoñez, di 46 aña, segun acusacionnan a haya agresionnan cu scop y golpinan.

Polis a anuncia un investigacion contra di e agentenan cu e testigonan ta señala como causante di e morto di e abogado, ken tabata biba na e bario Villa Luz, di e localidad menciona.

Di su parti, alcalde di Bogota, Claudia Lopez a condena e agresion brutal. “Desde Bogota nos a rechasa y denuncia e abuso policial, pero den Interior di Polis no ta tuma medidanan serio. Nos lo insisti pa Procuraduria General di Nacion, Defensoria di Pueblo pa nos actua conhuntamente pa stop esey. Pa e famia di Javier nos condolencia y tur apoyo cu nan lo mester.”

Coronel Necton Lincon Borja Miranda, comandante operativo di Siguridad Ciudadano di Polis Metropolitano di Bogota, a anuncia cu ayera diaranson despues di loke a pasa e entidad a tuma e determinacion di “suspende di actividad operativo of di servicio di vigilancia y pasa pa actividadnan administrativo e polisnan cu tin vinculo cu e hechonan aki cu a wordo denuncia”.

Ademas a bisa cu lo pone “tur colaboracion pa Fiscalia pa a traves di CTI lo asumi e investigacion corespondiente”.

Tambe a adelanta “e acompañamento pa e famia den un combersacion cu un ekipo disciplinario specialisa”.

Finalmente, a sigura cu Polis “lo garantisa un transparencia total di e hechonan cu a denuncia y cu lo laga Fiscalia pa adelanta investigacion y asina pronuncia riba esaki un biaha mas”.

 

 

LEAVE A REPLY

Please enter your comment!
Please enter your name here