Former rebel Gustavo Petro and his running mate Francia Marquez, celebrate before supporters after winning a runoff presidential election in Bogota, Colombia, Sunday, June 19, 2022. (AP Photo/Fernando Vergara)

(AP) — Presidente-electo, Gustavo Petro, kende a priminti di eleva e hendenan di menos recurso y marginalisa di Colombia, a gana sosten di un partido influyente di e establecimento mientras e ta purba di forma un coalicion di mayoria den Congreso.

Petro, un ex-alcalde di Bogota y miembro di e grupo rebelde M-19 cu a desarma decadanan atras, a gana sosten di Partido Liberal, cu a sostene otro candidato den e prome ronda di eleccion presidencial. Petro a gana e segundo ronda diadomingo ultimo den un golpi na e tradicionalistanan politico kende a presidi pa generacionnan riba Colombia, mediante violencia y corupcion, como tambe crecemento economico y stabilidad institucional.

E decision di Partido Liberal, lidera pa ex-presidente Cesar Gaviria, pa uni na e grupo Pacto Historico di Petro, ta mustra e banda pragmatico di e presidente-electo mientras e ta haci acuerdonan politico cu meta pa ehecuta un agenda legislativo ambicioso, cu ta inclui cambionan fiscal, agrario, pension y otronan.

Partido Liberal ta un di e gruponan mas grandi den Congreso bicameral, cu 14 senador den e Senado di 108 asiento, y 32 representante den e Congreso di 187 asiento. Pacto Historico di Petro tin 20 asiento den Senado y 27 den Congreso. Un coalicion incluyendo e Liberalnan y otro aliadonan lo trece mas cerca di mayoria parlamentario.

Petro ta virtualmente sigur di enfrenta oposicion robusto for di Centro Democratico, e partido funda pa ex-presidente Alvaro Uribe. Presidente actual, Ivan Duque, kende pa ley no tabata permiti pa postula pa un segundo termino, ta miembro di Centro Democratico. E ta bay haci e transferencia di poder na Petro dia 7 di augustus.

LEAVE A REPLY

Please enter your comment!
Please enter your name here