(infobae) – Presidente Colombiano, Gustavo Petro a responde diamars 24 di juni na e controversia genera pa e presencia di ex-hefe reconoci di structuranan arma urbano den un evento oficial cu a celebra den centro administrativo di Medellin, conoci como La Alpujarra, den cual el a comparti tarima cu poderoso criminalnan cu tabata forma parti di structuranan arma cu tabata manda den Valle de Aburra y ta detenido den prison di Itagui.

“Prensa Colombiano prome cu drenta en masa pa critica e acto di Medellin, nan a keda disgusta cu a yena e plasa di Alpujarra, y a preferi di sigui e mensahe di e derecha extremo, cu a sali di dirigentenan politico alto di e region, en bes di compronde e mensahenan directo y explicito cu a duna den e acto,” Petro a afirma riba su rednan social, den un declaracion cu a genera debate tocante e berdadero alcance di e politica di Paz Total di gobierno.

E jornada a reuni figuranan cu e solo mencion di nan nomber ta remiti decadanan di violencia y conflicto na Antioquia. Entre e presentenan destaca tabatin Juan Carlos Mesa Vallejo, conoci como Tom; Jorge de Jesús Vallejo Alarcón, alias Vallejo; José Leonardo Muñoz Martínez, alias Douglas; Freyner Alfonso Ramírez García, apoda Carlos Pesebre; y Walter Alonso Román Jiménez, alias El Tigre; kende ta sinta castigo pa delito manera homicidio y concierto pa comete delito.

Asina nan aparicion den un acto publico hunto cu e presidente a keda interpreta pa diferente sector como un hecho sin precedente den historia reciente di Colombia, ya cu nunca antes a mira e prome mandatario comparti e tipo di escenarionan aki cu personahenan di semehante caliber, cu a lidera organisacionnan manera La Oficina, El Mesa y La Union, entre otronan cu ta opera den e zona aki di e pais.

Den su publicacion, Petro a comparti un video den cual ta resumi e tesis di un di e huristanan, den su concepto, mas connotado di mundo: dr. Luis Ferrajoli. “Kende ta para tras di nos principio di un husticia restaurativo, cu awendia ta ley di e Republica. Mas aleu mi lo pronuncia mas profundamente al respecto,” Petro a expresa den su mensahe, cu cual a purba di apacigua e critica fuerte pa e manera den cual el a keda vincula cu hechonan iregular.