(AP) — Presidente Colombiano, Gustavo Petro diahuebs a presiona cu su plan pa reforma e leynan laboral di e pais, mandando un propuesta di referendum na Congreso, di cual su pregunta pa votadornan ta inclui si mester limita dia di trabao na ocho ora, y si trahadornan mester ricibi pago dobel si nan traha riba dianan festivo.
Cu hopi di su agenda blokea ripitidamente pa Congreso, Petro awo ta poniendo su speransa riba e mesun legisladornan cu dos biaha a rechasa su reforma laboral, pa permiti votadornan dicidi si nan kier su cambionan proponi.
Congreso tin un luna pa aproba of rechasa e referendum di 12 pregunta.
Petro, e prome presidente iskierdista di Colombia, a busca pa rally sosten pa su proyecto door di participa den un demostracion sindical na e capital Bogota, marcando Dia di Labor.
“Pueblo di Colombia kier vota pa nan derechonan fundamental, pa nan dignidad,” Petro a bisa dilanti miles di manifestante, pidiendo nan pa no vota pa reeligi ningun legislador cu vota contra e referendum.
Si legisladornan aproba, Petro ta bay tin cu emiti un decreto convocando Colombianonan na e urnanan dentro di tres luna. Pregunta pa votadornan lo inclui si dianan laboral mester caba 6pm, y si mester ofrece contractnan fiho na trahadornan pa duna prioridad na stabilidad laboral.
Pero sobrepasa Congreso no ta e unico preocupacion di Petro pa mira su proyecto bira realidad. E mester participacion den referendum pa excede 13 miyon – esey ta mas cu e cantidad di voto cu el a obtene pa bira presidente – y mas cu mita di e votonan mester ta na fabor di su propuesta.
Analistanan ta di acuerdo cu Petro tin bentaha den varios escenario, hasta si Congreso no aproba e referendum of si e no logra obtene e votonan necesario na e urnanan. Den e escenario anterior, Sandra Borda, profesor di ciencia politico na Universidad de los Andes, a bisa cu legisladornan lo duna gobierno di Petro e hermentnan pa “play victima” y reforsa su retorica contra Congreso.
“E mensahe cu gobierno constantemente ta purba duna ta cu Congreso ya no ta un entidad cu ta representa e interesnan di pueblo mas… sino ta defende e interesnan, manera nan ta yam’e, di oligarkianan di sector priva,” Borda a bisa.
Di otro banda, si votadornan bay e urnanan, gobierno por considera su mes ganador door di sigura sosten di su base electoral, segun Javier Garay, profesor di ciencia politico na Externship University di Colombia. El a nota cu e proposito di e referendum ta pa test e sosten electoral di gobierno prome cu eleccion presidencial di 2026.
Miembronan sindical cu tabata entre e miles di persona manifestando diahuebs na Bogota a expresa sosten pa e referendum. “E referendum ta un vindicacion di derechonan di trahador, cu ta un lucha pa decadas y a ser kita for di nos pa gobiernonan anterior di ultra-derecha,” segun Jesus Parra, 53, un di e manifestantenan.
