Colombia tin 12 empresa afecta pa ciberatake mundial

COLOMBIA (ElTiempo).-  E atake digital mundial di tipo ‘ramsomware’ cu a cuminsa na Rusia y Ukrania diamars y cu despues a bay te otro lugar alrededor di mundo,  a afecta tambe varios pais di Latino America, entre nan Colombia.

 

Segun  firma di seguridad informatico Digiware,  e region di Latino America tin 23 victima di e virus aki, den cual 12 caso ta na Colombia.“Pa seguridad nos no por duna detaye di e nomber di empresa, pero un di nan ta un empresa di telecomunicacion, otro ta un banco y otro empresa industrial. Pais manera Ukrania, Inglatera y otro pais di este di Europa tin hopi virus despues di e atake aki,” Andrés Galindo, director di Alianza strategico di Digiware a splica.Oficina di polis di Europa, Europol a bati un alerta bisando cu  atake no a stop ainda y cu ta parce un atake mas moderno cu WannaCry. Segun Galindo e sorto di atake aki lo continua reproduciendo, pa motibo di e crecemento di tecnologia, sin lubida e posibel infeccion di sistema inteligente.

 

“Via ‘internet di cos’ (Internet on Things), cada biaha por mira mas atake caminda ta compromete edificio inteligente of infrastructura critico,” Galindo a splica.
Galindo a bisa cu e responsabel miho conoci como cyber atakante ta empresa hopi organisa cu ta analisa y crea un segmento di nan posibel victima, via informacion cu nan ta haya na ‘Deep web’.“Nan ta mira ubicacion geografico, sorto di victima, sector y riba esey nan ta defini nan plan. Den Deep Web por haya dato di infrastructura tecnologico di varios empresa. Pesey si bo sa manera cu empresa tin su structura, por ta mas facil pa haya sa e manera cu por ataca nan,” Galindo a comunica. E experto ta bisa cu mester sa ken ta e hende cu ta ehecutando e atake, y cu ta haya un apoyo di algun pais, e dimension ta hopi grandi. “Ta posibel  cu algun dia por manda hasta un misil, ora cu nan por proba cu e atake a ser manda pa un gobierno, pasobra ta e unico manera pa disuadi.”

 

You May Also Like

Venezuela: Exportacion di crudo a reanuda

E principal terminal di exportacion di petroleo di Venezuela, Jose, na estado Anzoategui, a ...

Muhe a sobrevivi un avalancha na Peru

Un muhe di 32 aña a sobrevivi un avalancha di lodo cu a lastr’e hunto ...

Turks & Caicos: Invadi pa migrante Haitiano

Islanan Turks & Caicos ta sufri un invasion di Haiti, segun lider di e ...

A firma un amnistia pa mas di 3 mil ex-gueriyero di FARC

Presidente dI Colombia, Juan Manuel Santos a firma un decreto, caminda ta duna e ...

Venezuela: crudo di mal calidad ta aumentando problemanan financiero

E proximo simannan lo ta crucial pa Venezuela, ya cu e por tin dificultad ...