(AP) – E vehiculonan a prueba di bala cu Colombia su gobierno ta asigna na centenares di individuonan di riesgo halto tin e meta di brinda mas seguridad na nan. Sinembargo ora cu un reportero a descubri cu nan tur tin GPS, nan a sinti mas vulnerabel y rabia.

 

Ningun hende a informa Claudia Julieta Duque, of aparentemente e mas di 3,700 reportero, activistanan di derecho y lidernan indigena cu ta usa e vehiculonan, cu tin dispositivonan den e autonan cu ta mantene un record constante di nan localidad. Den Duque su caso, e ta actualisa cada 30 seconde. E sistema tambe por paga e auto for di leu.

Colombia ta entre e paisnan mas peligroso mundialmente pa personanan cu ta defende derechonan Humano, cu mas di 500 asesina desde ana 2016. Tambe e ta un pais unda cu extremistanan derechista tin un record di infiltra cuerponan nacional di seguridad. Pa Duque, e revelacion aki tabata impactante. Movementonan di hende ya caba na riesgo di asesinato politico ta ser vigila cu tecnologia cu actornan cu mal intencion por usa den nan contra.

“E ta lago super invasivo,” Duque a expresa, ken tin tempo siendo un di e enemigonan di agentenan di siguridad corupto. “Y e estado aparentemente no ta worry cu esaki.”

E agencia di gobierno responsabel a bisa cu e dispositivonan aki a ser instala pa preveni robo, pa asina por mantene informacion di e bodyguardnan cu ta stuur e vehiculo y pa yuda responde den situacionnan peligroso.

Pa un decada caba, Colombia ta instala e dispositivonan aki den e vehiculonan di e invididuonan den riesgo ademas di personanan VIP, incluyendo presidentnan, ministernan di gobierno y senadornan. E agencia su director a haci e revelacion aki despues cu Duque ana pasa a haya sa esaki pa via di un peticion di recordnan publico cu e sistema tabata grabando e localidad di su auto cu un averahe di 5 biaha pa ora.

E director no a presta atencion na e preocupacionnan aki di privacidad y a yama e practica aki “fundamental” pa garantisa siguridad.

Considerando e dispositivo aki un peliger pa su persona y su recursonan, Duque a pidi detayenan di su funcionnan exacto. Sinembargo, Unidad di Proteccion Nacional, tambe conoci como UNP den Spaño, no a duna hopi detaye tocante esaki. Na momento aki el a demanda e agencia pa nan retira e dispositivo. Nan a nenga di haci esaki, cual a causa cu den februari Duque a debolbe e vehiculo y a sali for di e pais ademas di a entrega un demanda legal.

Awo, back na Bogota, e ta spera di ricibi satisfaccion mirando cu Gustavo Petro, Colombia su prome presidente iskierdista lo huur oficina dia 7 di augustus.

Petro su ekipo di transicion di siguridad domestico no a responde na preguntanan di The Associated Press tocante e topico aki.

Cualkier accion cu e administracion nobo tuma lo refleha den e compromiso cu e derechonan humano y su habilidad di reforma un establecimento di siguridad nacional cu tin hopi tempo bao mando di e enemigonan politico.

UNP ta un pilar di e establecimento aki. E ta emplea, mas tanto como bodyguard, decenas di ex-agente di e agencia di siguridad domestico DAS cu a keda disolvi den aña 2011 despues cu e gobierno di ex president Alvaro Uribe a abusa di nan poder pa usa e empleadonan como spion riba Corte Supremo, reporteronan y oponentenan politico.

Prominente entre nan ta Petro y Duque.

El a ser vigila, menasa y victima di bullying pa medio di operativonan di DAS despues di a descubri evidencia cu e asesinato di e activista Jaime Garzon den aña 1999 tabata un crimen di e estado. Duque su reportahe eventualmente a yuda acusa y sentencia ex director diputado di DAS den e asesinato, y 3 otro ex oficial di DAS cu a ser acusa y sentencia di tortura psicologico den e bida di Duque y su yiu muhe.

Huicionan contra 8 otronan te ainda ta pendiente. Durante tur cos, e menasanan a forsa su persona huy for di e pais casi 12 biaha.

E Preguntanan tocante e dispostivonan a agrega mas preocupacion tocante un agencia cu antes tabata entre Latino America su agencianan mas efectivo den e proteccion di derechonan humano.

LEAVE A REPLY

Please enter your comment!
Please enter your name here