Temporada di horcan a drenta den un periodo cu ta birando mas intensivo. Y como minister general, bou cual Bureau Rampenbestrijding ta resorta, Prome Minister Evelyn Wever-Croes a anuncia cu lo bin cu un campaña di conscientisacion riba horcan. Aunke Aruba ta pafo di e ruta di horcan; pero esey no ta kita afo cu nos mester ta prepara, el a bisa
E ta un forma pa nos comunidad por ta bon prepara prome y despues di un eventual calamidad. Tambe e siman aki nan ta bay cuminsa un training, pa tur departamento y hende ta bon prepara.
El a urgi nos comunidad pa sigui e campaña di conscientisacion y sigui e consehonan cu Bureau Rampenbestrijding ta divulga. Den esaki, un di e palabracion clave cu a wordo haci ta cu na momento cu tin un menasa di horcan cerca nos, e comunidad lo haya informacion di parti di e comision. El a remarca cu e Comandante di Brandweer ta esun encarga di duna informacion oficial di e horcan y ki ora nos mester preocupa of no.
“Si bo no ta mira e comandante di Brandweer ta duna alerta, anto e ora probablemente, e no ta algo cu ta bay hit Aruba of prepara pa hit Aruba”, Wever-Croes a bisa.
