(AFP)—Actor y comediante Britanico Russell Brand a aparece dilanti hues na Reino Uni diamars, enfrentando dos acusacion nobo di violacion y agresion sexual.
E dos acusacion nobo contra Brand, 50 aña, a ser presenta na december 2025 y ta relaciona cu dos incidente separa cu dos diferente muher na Londres na 2009.
Na mei di aña pasa, e ya a declara su mes no culpable riba dos acusacion di violacion, dos acusacion di agresion sexual y un acusacion di agresion indecente, pa incidentenan alega cu ta involucra cuatro diferente muher entre 1999 y 2005.
Brand a aparece via video-link, bistiendo un camisa blauw cla parcialmente botona, y solamente a papia pa confirma su nomber y su fecha di nacemento. E ex-esposo di cantante di pop Katy Perry a haya fianza cu condicion y mester aparece den corte atrobe na Southwark Crown Court, den sur di Londres, dia 17 di februari pa un audiencia prome cu huicio.
E acusacionnan original a ser presenta despues di un investigacion conduci na 2023 pa e periodico Sunday Times y e canal di television Channel 4, cual a inclui varios alegacion di caracter sexual contra dje.
Un huicio riba e cinco acusacion original ta programa pa cuminsa na juni na Southwark Crown Court.
Brand ta un ex-comediante kende a haya fama na Hollywood durante añanan 2010. El a casa cu cantante Perry na 2010, pero nan a divorcia na 2012.
Antes un activista politico cu tendencia iskierdista y strea di Hollywood, el a cambia su imagen como un guru conservador pa su miyones di siguidor riba red social.
Na 2024, el a bisa cu el a bira Cristian despues cu a ser bautisa den e riu Thames.
