Comediante ta gana eleccion presidencial na Ukrania, victoria aplastante

Comediante Ukraniano, Volodymyr Zelensky, a logra un victoria aplastante den eleccion presidencial di e pais.

Cu casi tur voto conta, Zelenesky a bay cu mas di 73 porciento, cu e incumbente Petro Poroshenko hopi atras, cu 24 porciento.

“Mi no ta bay decepciona boso”, Zelensky a bisa su sostenedonan, kende tabata celebra.

Rusia a bisa cu nan kier pa e mustra ‘bon huicio’, ‘honestidad’ y ‘pragmatismo’ pa relacionnan por mehora. Rusia ta sostene separatistanan na Oost Ukrania.

E comentarionan a bin for di prome minister Ruso, Dmitri Medvedev, den un post riba Facebook ayera. El a bisa cu ta spera cu Zelenesky lo ‘ripiti formula ideologico familiar’ cu el a uza den campaña, añadiendo: “Mi no tin ningun ilusion al respecto. Na mesun momento, tin chens pa mehora relacion cu nos pais.”

Poroshenko, kende a admiti derota despues di publicacion di e prome polls, a bisa cu no lo bandona politica. El a bisa cu Zelensky, di 41 aña di edad, falta hopi experiencia pa por para contra Rusia efectivamente.

Zelensky, un novato den politica, ta conoci pa su rol den un serie di television satirico, Sirbiente di Pueblo, den cual su personahe accidentalmente ta bira presidente di Ukrania. El a bisa reporteronan cu e lo ‘reboot’ combersacionnan di paz cu e separatistanan bringando contra forsanan Ukraniano y boluntarionan den oost di e pais.

“Mi ta kere nos lo tin cambio di personal. Den cualkier caso, nos lo sigui den direccion di e combersacionnan di paz di Minsk, y bay dilanti pa un cese al fuego”, el a bisa.

Tin pelea sporadico, y e situacion tambe ta permanece tenso rond di Crimea, anexa for di Ukrania pa Rusia na 2014.

 

You May Also Like

Caso grandi contra famia cu a enrikece nan mes cu pildo di dolor adictivo

Un total di 8 miembro di e famia Mericano Sackler ta wordo teni co-responsabel ...

Video: Polis ta mata su ex y despues tira su mes na pia di trabao

Camara di siguridad publica por medio di autoridadnan na Florida ta mustra un deputado ...

train1.jpg

10 morto, 17 criticamente herida den un accidente di trein na Alemania.

Tin 10 morto y 17 persona criticamente herida despues di un accidente entre 2 ...

Rapport Mueller finalmente entrega na Fiscal General

WASHINGTON – “Y kico awo?” Esey ta e pregunta den hopi hende nan mente ...

Dori cu pia cora prosperando na Yosemite despues di ausencia largo

Dori cu pia cora (red-legged frogs), haci famoso pa Mark Twain, ta prosperando na ...

Alemania: Enfermero a mata mas cu 180 pashent

Un enfermero na Alemania cu a haya castigo di bida aña pasa pa a ...