E aña aki ta keda uno straño, hasta pa cometa. Algun luna atras, e recien descubri Cometa Atlas (C/2019 Y4) a cuminsa bira briyante rapidamente y algun a pensa cu e por pone un show pa historia. Pero mesun lihe, el a parce di disparce mientras el a kibra den pida dilanti di e calor y radiacion intenso di solo.

Persona cu ta observa shelo ampliamente a pone nan atencion riba otro cometa briyante recien haya, Cometa Swan, pero Atlas ainda ta keda den su forma fragmenta. Potret recien ta mustra Cometa Atlas ainda biahando den sistema solar interno, como un inusual cometa den un cometa.

Imagennan saca cu telescop grandi ta mustra un mini-cometa chikito, blanco cu su propio rabo distintivo dentro di e coma berde di e cometa principal.

“Cometa Atlas ta biahando den direccion di solo cu un encuentro cercano dia 31 di mei paden di orbita di Mercurio”, segun astronomo Tony Phillips di spaceweather.com. “Calor intenso solar por causa e centro golpia pa gragmenta mas, activando ‘cometa interno’ nobo, of henter e asamblea por desintegra den un cantidad di santo y gas.”

Si Cometa Atlas (of sikiera parti di dje) sobrevivi e trip turbulento aki rond solo y ta sali bek den espacio, ta spera cu e lo bolbe pa otro bishita… aki 6mil aña.

 

LEAVE A REPLY

Please enter your comment!
Please enter your name here