Comision a presenta nan prome sugerencianan pa Proyecto digitalisacion y documentacion di informacion cultural

WhatsApp-Image-20160628.jpeg

Diamars Minister Otmar Oduber hunto cu representante di Ministerio di Asuntonan General y di Enseñanza a haya un presentacion for di dos comision cu a wordo instala aña pasa pa medio di Decreto Ministerial. Ta trata aki di e comision nan Implementacion di Arte y Cultura y tambe Digitalisacion y Documentacion di Informacion Cultural. E reunion a resulta uno sumamente fructifero unda cu e diferente partnernan a presenta nan punto di bista y recomendacionnan na Minister Oduber.

Mester bisa cu e presentacion duna ta cuadra perfectamente cu vision di Minister Oduber pa pone cultura riba plataforma principal na unda cu e aspecto di educacion y documentacion ta primordial. Es decir, mester haya miho acceso na informacion cultural no solamente na scolnan, pero tambe den otro formanan manera database, website y medionan di comunicacion.

Tur e partner nan presente, manera Biblioteca Nacional, Archivo Nacional, Curriculum Ontwikkeling y Departamento di Cultura tabata riba e mesun liña tocante e vision aki, esta e importancia di cultura den nos sociedad. Nan a papia di ‘Nation Building’ unda cu cultura ta yega na esey y tambe a papia di e aspecto di cultura como e catalizador economico.

E reunion a bay hopi bon y awor lo continua cu un plan di accion na unda cu lo sigui stimula e posicion di cultura den nos sociedad.

Comunicado gobierno

You May Also Like

DSC00033.JPG

Tiro scucha den area di Circle K

Diadomingo marduga varios unidad ta bay den e area dilanti Circle K na Playa, ...

Entregamento di lista: 3 partido so tin permiso pa celebracion

Ministerio Publico (OM) y polis ta hibando un maneho di zero tolerancia awe na ...

Ex minister Sevinger ta sigui sostene proyecto Isla di Oro

Un proyecto cu ya den pasado y awor den presente a crea cierto reaccion ...

14Mrt, JO, ArubaDoet.jpg

CEDE Aruba: ”Aruba Doet 2016 tabata exitoso y basta productivo”

Aruba Doet ta un proyecto di CEDE Aruba hunto cu Oranje Fonds cu a ...

‘Papiamento den siglonan pasa tabata mas importante cu nos ta realisa awendia’

 ‘Historia di Papiamento ta fuertemente liga na colonialismo, sclavitud y migracion . Y e ...