Compania local: gobierno mes ta duna ilegal trabou

Un compania local ta bay bringa un otro compania den corte cu pa hopi aña ta operando ilegal. Pero remarcabel den caso aki ta, cu e compania local a ranca e horeanan di gobierno hopi biaha, como cu gobierno ta duna e compania ‘ilegal’ aki hopi trabao.

E compania Island’s Best Windows & Doors ta bisa cu nan no ta e unico compania local cu ta keha di e situacion aki. Den e industria di bentana y portanan mas productonan local tin problema cu gobierno den su destahonan a duna trabou na e compania acusa. E negoshi local a haci diferente intento pa mustra gobierno riba e asunto aki. Nan a manda un carta aña pasa pa minister Mike de Meza, e tempo ey ainda minister encarga cu Asuntonan Economico. Den e carta aki nan ta menciona tambe un bishita na prome minister Mike Eman, unda e compania a expresa e problemanan den nan industria, entre otro esun di e compania operando ‘ilegal’.

Segun e compania local e prome minister a priminti di investiga e asunto y tambe cu gobierno lo tene cuenta cu den destahonan di trabou, lo busca na prome instante companianan local pa haci e trabou. Sinembargo despues e compania local a ripara cu DOW hasta a cualifica e compania ‘ilegal’ como un ‘norma’ pa e trabou y servicio.

Acusacion
E problema cu nan tin cu e compania ‘ilegal’ ta cu e ta opera desde 2010, pero tabata operando riba nos isla sin registracion den Camara di Comercio. Bon Dia Aruba no por menciona e nomber di e compania ainda, pa motibo cu no a logra di haya nan banda. Sinembargo nos por mira cu e compania ta registra desde october aña pasa. Un otro punto ta cu e compania ‘ilegal’ ta importa su portanan y bentananan for di e pais Polonia. Pero e no ta keda te eynan. Ora un container ta yega pa un proyecto, di biaha trahadonan for di e pais aki tambe ta yega hunto cu ne. Asina e trahadonan aki sin permiso ta haci e trabou di instalacion.

Awor e compania local a fada cu e situacion y a dicidi di bay corte, pasobra nan ta haya cu e compania ‘ilegal’ a haci daño financiero na nan y otro companianan na Aruba. Desde un par di aña Aruba conoce e ley ketenaansprakelijkheid. Esey ta nifica cu e compania principal cu ta haya e trabou/proyecto y uza subcontratistanan pa haci partinan di trabou, ta para responsabel tambe pa e otro companianan aki. Pues si e subcontratista no ta paga su impuesto of tin trahadonan ilegal, e compania principal tambe por confronta problema cu esaki.

You May Also Like

4Jun, JO, Dump1 (1).jpg

Xiomara Ruiz- Maduro: Ainda no tin ningun tipo di solucion pa Dump mientras mantencion ta keda bay atras

Parlamentario Xiomara Ruiz Maduro hunto cu colega Dangui Oduber a bishita Parkietenbos diabierna mainta ...

droga.jpg

Te cu awo, marihuana y cocaina a wordo haya den cargashon di droga

Baho mundo a habri siman cu un sla duro atrobe, ora cu Polisnan Maritimo ...

boksmento auto y tram (9).jpg

Boksmento entre tram y auto

Diasabra atardi den centro di ciudad ta sucede un boksmento entre e Tram y ...

Confrontacion cu Hulanda durante protesta tabata momento mas dificil den gobernacion

Independiente di fundacion Adopt An Addict su preocupacion riba e problema di adiccion cu ...

front 2.JPG

Atraco arma na Harmony Supermarket

  Diamars alrededor di 11 or di anochi un homber na blauw bisti cara ...

IMG_6299 (1).JPG

Hende Muher den sector Primario na Aruba

Den mayoria caso si nos papia di sector Primario ta e hende homber ta ...